قىرعىز ءانشىسى ەركەنىڭ ءانىن ۇرلاپ، كليپ ءتۇسىرىپ العان - ۆيدەو
ەلدى شۋلاتقان بۇل بەينەباياندى تاماشالاۋشىلار قاتارى قازاقستان حالقى سانىنان اسىپ ءتۇستى، ياعني 25 ميلليونعا جەتتى.
ءبىر قىزىعى، اتالعان ءان ەلىمىزدە عانا ەمەس جاقىن ماڭداعى كورشىلەرىمىزدە دە تانىمال بولىپ شىقتى. ءتىپتى، ايىر قالپاقتى اعايىندار ەركەنىڭ رۇقساتىنسىز ءاندى ۇرلاپ، كليپ ءتۇسىرىپ العان كورىنەدى.
بۇعان دەيىن شامامەن مەكتەپ جاسىنداعى وقۋشى قىرعىز قىزى ەركەنىڭ ءانىن ءوز تىلىندە ورىنداپ، جەلىنى شۋلاتقان بولاتىن. ۆيدەو تارالىسىمەن-اق، ەل كىم كىمنەن ءان ۇرلادىنى انىقتاۋعا كىرىستى. الايدا ەركەنىڭ جۇلدىزىن جارقىراتا تۇسكەن ءاندى ءوزىمىزدىڭ اۆتورلار جازعان. حيت تۋىندىنىڭ ءانىن ديانا يسمايلوۆا ەسىمدى جاس سازگەر جازسا، ءان ءماتىنى «حيت» اقىن قاينار الاگوزوۆتىڭ قالامىنان تۋعان.
بىرنەشە كۇن بۇرىن تاعى ءبىر قىرعىز ءانشىسى ەركەنىڭ انىنە تۇسىرگەن بەينەبايانىن ەل نازارىنا ۇسىندى. گۇلناز چىنىبەك ەسىمدى ونەر يەسى ەركەنىڭ ءانىن عانا ەمەس، كليپ ءتۇسىرۋ يدەياسىن دا ۇرلاپ العان كورىنەدى. قوس بەينەباياننىڭ ۇقسايتىنىن بايقاعان جەلىدەگىلەر وسىلاي دەپ دابىل قاعۋدا!
ءبىر قىزىعى، اتالعان جايدان ەركەنىڭ ءوزى بەيحابار بولىپ شىقتى. ونىڭ قىرعىز ارىپتەسىن سوتقا بەرەر- بەرمەسى ازىرگە بەلگىسىز.