جەلتوقسانعا بەلگىلەنگەن گولوۆكين - سوندەرس جەكپە-جەگىنىڭ وتەر-وتپەسى شەشىلەتىن ۋاقىت انىقتالدى
«گولوۆكين - الۆارەس ايقاسىنداعى كۇدىكتى تەڭ ناتيجە سوندەرسكە قالاي اسەر ەتەتىنى - باسقا ماسەلە. نە دە بولسا ول جەلتوقساندا ايقاس وتكىزەدى. قارسىلاسى گولوۆكين بولعانى جاقسى ەدى. ءبىز بۇل ايقاستى ۇيىمداستىرا الامىز دەگەن ۇمىتتەمىن. قولىمىزدان كەلە مە، جوق پا، كەلەسى اپتادا كورەمىز. ءساتى تۇسپەسە، باسقا مۇمكىندىكتەردى قاراستىرامىز. بيللي جۇدىرىقتاسۋى ءتيىس. ونىڭ بەلدىگى بار، ءوز مانسابى بار. ءبىراق ولاردىڭ ءبىرى [گولوۆكين نەمەسە الۆارەس] ونىمەن كەزدەسەتىنى انىق. باستىسى، بيللي كەلەسى اپتادا شەففيلدتەگى جاتتىعۋلارعا قايتىپ، جەلتوقسانداعى ايقاسقا دايىندالادى. ول سالماعىن باقىلاۋى ءتيىس، سوڭعى كەزدەسۋدە [كىشى مونروعا قارسى] ول وتە اۋىر بولدى»، - دەپ جازدى ۋوررەن.
ەسكە سالا كەتەيىك، الۆارەسكە قارسى كەزدەسۋدە گولوۆكين بارلىق بەلدىكتەرىن قورعاپ قالدى. وعان ءالى دە بولسا ديۆيزيوننىڭ ابسوليۋتتىك چەمپيونى بولۋى ءۇشىن WBO تيتۋلى جەتپەي تۇر. سونىمەن قاتار تاراپتار 2018 -جىلدىڭ مامىرىندا ءوتۋى مۇمكىن رەۆانش جايىندا دا كەلىسسوزدەر جۇرگىزۋدە.