ترامپ سولتۇستىك كورەيانى «تولىقتاي جويىپ جىبەرەمىن» دەپ قورقىتتى
12:27, 20 - قىركۇيەك 2017
استانا. قازاقپارات - ا ق ش ليدەرى دونالد ترامپ العاش رەت ب ۇ ۇ باس اسسامبلەياسىندا ءسوز سويلەي وتىرىپ، ك ح د ر امەريكا قۇراما شتاتتارىنا قاۋىپ توندىرەتىن جاعدايدا ولاردى جويۋعا تۋرا كەلەتىنىن مالىمدەدى، - دەپ حابارلايدى ر ي ا نوۆوستي.
«ا ق ش- تىڭ شىدامى جەتەدى، ا ق ش مىقتى ەل. ءبىراق بىزگە وداقتاس ەلدەردى قورعاۋ كەرەك بولسا نەمەسە ءوزىمىزدى قورعاۋ كەرەك بولسا بىزگە سولتۇستىك كورەيانى تولىقتاي جويۋعا تۋرا كەلەدى. ا ق ش ك ح د ر- دى جويا الادى جانە جويعىسى كەلەدى. ءبىراق بۇلاي جاساۋ كەرەك بولمايدى دەپ ۇمىتتەنەمىز»، - دەدى ترامپ.
باسىلىمنىڭ مالىمەتىنشە، دونالد ترامپ ءوز سوزىندە قىتاي مەن رەسەيگە سانكسيا ەنگىزۋدە كورسەتكەن قولداۋلارى ءۇشىن العىس ايتتى. سونداي-اق، ا ق ش پرەزيدەنتى يرانعا قاتىستى پىكىر ءبىلدىردى. «يران ۇكىمەتى وزدەرىنىڭ سىبايلاسقان ديكتاتۋرالارىن جالعان دەموكراتيامەن جاسىرىپ وتىر»، - دەدى ترامپ.