قىتاي كاسىپكەرلەرى پاۆلودارداعى ارزان ەلەكتر ەنەرگياسىنا قىزىعۋشىلىق تانىتتى
ەسكە سالا كەتەيىك، پاۆلودار وبلىسىنىڭ دەلەگاتسياسى وبلىس اكىمى بولات باقاۋوۆتىڭ باستاماسىمەن قىتاي حالىق رەسپۋبليكاسىندا ءىس ساپارمەن ءجۇر. شانشي پروۆينتسياسىندا «business-to-business» فورماتىنداعى كەزدەسۋگە جەرگىلىكتى كاسىپورىن مەن قارجى ورگاندارىنىڭ شامامەن 30 وكىلى قاتىستى. پروۆينتسيانىڭ رەفورما جانە دامۋ كوميتەتى باسشىسىنىڭ ورىنباسارى چەن تسزەەنىڭ ايتۋىنشا، شانشي كومىر ءوندىرۋ، ەلەكتر ەنەرگياسىن وڭدەۋ، كوكستاۋ، تاۋ-كەن جابدىقتارى مەن كومىر-حيميا وندىرىسىندە كەشەندى جانە بىرىكتىرىلىگەن دامۋ ءۇشىن كوپ كۇش سالۋدا.
ول ماشينا شىعارۋ، قازىرگى زامانعى كومىر- حيميا، جاڭا ماتەريالدار ونەركاسىبى مەن ارنايى ازىق-تۇلىك ءوندىرىسى قارقىندى دامۋدا ەكەنىن اتاپ ءوتتى. الدىڭعى قاتارلى جابدىقتى جۇزەگە اسىرۋ ناتيجەسىندە تۇسكەن كىرىس - 141,8 ميلليارد يۋان.
شانشي كاسىپورىندارىنىڭ كىرىسىنە كەلەتىن بولساق، كاسىپورىننىڭ نەگىزگى قىزمەتى شامامەن 1,8 تريلليون يۋاندى، ال كىرىستەن تۇسكەن سالىقتار 177 ميلليارد يۋاندى قۇرايدى.
- ءبىزدىڭ وبلىس سىزدەر سياقتى كومىر وندىرۋمەن جانە حيميا ونىمدەرىن شىعارۋمەن اينالىسادى، - دەدى چەن تسزەە.
- مەنىڭ ويىمشا، ءبىزدىڭ پروۆينتسيا مەن ءسىزدىڭ وبلىس اراسىندا ىنتىماقتاستىق ءۇشىن الەۋەت بار. ءوز كەزەگىندە پاۆلودار وبلىسىنىڭ اكىمى پاۆلودار مەن شانسي مۇناي-حيميا، كومىر-حيميا جانە لوگيستيكا سالالارىندا جۇمىس ىستەي الاتىنىن اتاپ ءوتتى.
- ەكى ءوڭىر دە ءوز مەملەكەتتەرىندە كومىر وندىرۋدەن كوشباسشى بولىپ ەسەپتەلەدى، - دەدى بولات باقاۋوۆ.
- دەگەنمەن ستاتيستيكا كورسەتكەندەي، سوڭعى بەس جىلدا تۇتىنۋ كولەمى 10 پايىزعا ءتۇسىپ قالعان. سوندىقتان بۇگىنگى تاڭدا كومىردى تەرەڭنەن وڭدەۋ ماسەلەسى تۇر. سىزدەر بۇل سالادا بەلگىلى ءبىر تاجىريبەگە قول جەتكىزدىڭىزدەر. شانسي پروۆينتسياسى كومىردى گازعا جانە ءارى قاراي سۇيىق وتىنعا وڭدەۋ تەحنولوگيالارىن ءساتتى قولداناتىنى بەلگىلى.
ءبىز ءۇشىن سىزدەردىڭ كومپانيالارىڭىزدىڭ تاجىريبەسى وتە ماڭىزدى. بۇدان كەيىن «Kazakh Invest» كومپانياسىنىڭ وڭىرلىك ديرەكتورى ولجاس رىسكەلدى ينۆەستيتسيالىق تارتىمدىلىق پەن پاۆلودار وبلىسىنىڭ ەكسپورتتىق الەۋەتى تۋرالى ايتىپ بەردى. كەزدەسۋ بارىسىندا ءوڭىردىڭ مۇمكىندىكتەرى تۋرالى بەينەفيلم كورسەتىلدى.