امەريكا ازاماتى الماتىعا كەلىپ جۇرەگىنە وپەراتسيا جاساتتى
ەل ازاماتتارى جانى قينالعاندا وزگە ەلگە سابىلادى. ال، شەتەلدىكتىڭ الاتاۋ باۋرايىنا كەلۋىنىڭ سىرى نەدە؟ بۇل تۋرالى ك ت ك حابارلايدى.
ءبىر كەزدەرى باقىتىن باتىستان تاپقان فاريدا ۋوركمان الماتىنىڭ تۋماسى. 90- جىلدارى مۇحيت اسقان ەكس-وتانداسىمىز تىلگە شورقاق، اعىلشىنشا شۇلدىرلەيدى. جۇرەگىندە كىناراتى بار ميسسيسيپيلىك مەيمان اراعا جىلدار سالىپ قازاقستانعا كەلىپ وتىر. ءبىراق، ەلدى سارعايا ساعىنعاننان ەمەس. بىزدەگى قىزمەت قالتا ءتۇبىن قاقپايتىن بولعاندىقتان.
«بۇل جاقتىڭ كارديولوگتارى مىقتى مامان ەكەنىن سايتتاردان وقىپ ءبىلدىم. ءارى وپەراتسيا قۇنى امەريكادان 50 پايىزعا ارزان. قازاقستاندىقتارعا ايتاتىنىم، جۇرەكتەرىڭىزدى ەمدەۋ ءۇشىن الىسقا بارۋدىڭ قاجەتى جوق. قازاقستانداعى مەديتسينا جاقسى دامىعان»، - دەيدى ا ق ش ازاماتى فاريدا ۋوركمان.
فاريدا ۋوركمانعا ستەنوكارديا دياگنوزى قويىلعان. ياعني، جۇرەك دەرتىنىڭ اۋىر ءتۇرى. ءبىراق، ءبىزدىڭ ماماندار بارىن سالىپ وپەراتسيا ويداعىداي اياقتالدى. باستىسى، ناۋقاستىڭ جۇرەگى ەندى مازالامايدى.
«ناۋقاستىڭ جاعدايى قالىپتى. وپەراتسيا 2 ساعاتقا سوزىلدى. سوعىپ تۇرعان جۇرەككە جاساعاندىقتان، وڭاي بولمادى. ءبىراق، ءبارى دۇرىس ءوتتى»، - دەيدى ق ر پ ءى ب ورتالىق كلينيكالىق اۋرۋحاناسىنىڭ كارديوحيرۋرگى گايراتجان ياكۋپوۆ.
پرەزيدەنت ءىس باسقارماسىنىڭ ورتالىق كلينيكالىق اۋرۋحاناسىندا سوڭعى ەكى جىلدىڭ ىشىندە كورشى رەسەي مەن كورەيانىڭ ازاماتىنا دا وپەراتسيا جاسالعان. تۇرالاعان مەديتسينا تۋريزمىندە سەڭ قوزعالسا، بۇل كورسەتكىش كوبەيەر ەدى دەيدى ماماندار.