الماتىداعى جولبارىستاردى قىتايلىقتار سۇراپ جاتىر
زووباق ديرەكتورى ەرجان ەركىنبايەۆ ينستاگرامداعى پاراقشاسىندا امۋر جولبارىستارىنىڭ بولاشاقتاعى تاعدىرى تۋرالى وقىرماندارىنان كەڭەس سۇراعان.
ونىڭ ايتۋىنشا، ۇيالاس جولبارىستاردى قىتاي زووباعى سۇراتقان.
«دەمالىس كۇندەرى بۋش (امۋر جولبارىسى) اۋىرىپ جاتىر دەگەن حابار ەستىدىك. بۇگىن دارىگەرلەرمەن بىرىگىپ تەكسەرىپ شىقتىق. جولبارىستاردىڭ دەنساۋلىعىندا كىنارات جوق. ولاردىڭ جالعىز تۋا ءبىتتى اقاۋى بار. الدىڭعى اياقتارى دۇرىس قالىپتاسپاعان. سول سەبەپتى، جولبارىستار امۋر جولبارىستارىن كوبەيتۋ باعدارلاماسىنان شىعىپ قالعان. بۇل ۇيالاستاردى قىتايدىڭ ۇلكەن سافاري پاركى سۇراپ جاتىر. بارلىق نۇسقاۋلىقتاردى اياقتاعان سوڭ جولبارىستاردى قىتايعا جىبەرەمىز. ءسىز قالاي ويلايسىز؟»، - دەدى زووباق باسشىسى.
جەلى قولدانۋشىلارى بۇل جازباعا تۇرلىشە پىكىر ءبىلدىرىپ جاتىر، اتاپ ايتقاندا، جەر بەتىنەن جويىلىپ بارا جاتقان جانۋارلاردىڭ جاعدايى قىتايدا جاقسىراق بولسا، جىبەرۋگە كەڭەس بەرىپ جاتىر. كەيبىرەۋلەر جولبارىستاردى پانداعا ايىرباستاۋدى ۇسىنۋدا.