بەيجىڭدەگى «كوركەم الەم» كورمەسىندە قازاقستان تانىستىرىلدى
قازاقستان دا بۇل شارادان قالىس قالمادى. قىتاي استاناسىنداعى اۋقىمدى كورمەدە ءتول ونەرىمىزدى ناسيحاتتادى. ەلىمىزدى جاقىننان تانىستىرۋ ءۇشىن ءدامدى تاعامدار ۇسىنىپ، ەستەلىك سىيلىقتار تاراتتى. قازاقستان پاۆيلونىنا كەلگەن جۇرتشىلىق قازاق حالقىنىڭ سالت- ءداستۇرىن، ۇلتتىق كيىمدەرىن كورىپ، كونسەرتتىك قويىلىمدى تاماشالادى.
قايرات ابدراحمانوۆ، ق ح ر ق ر ەلشىلىگىنىڭ ءبىلىم جانە عىلىم ماسەلەلەرى بويىنشا كەڭەسشىسى:
- شاقىرۋشى تاراپتىڭ جوسپارىنا سايكەس قازاقستان ەلشىلىگى دە ءوز پاۆيلونىن قۇرىپ، وسى جەردە قازاقتىڭ مادەنيەتى، ءبىلىم، تۋريزم سالاسىنداعى الەۋەتىمەن تانىستىرۋ جۇمىستارىن جۇرگىزۋدە.
جا حايان، بەيجىڭ قالاسىنىڭ تۇرعىنى:
- بۇگىن مەن قازاقستان كورمە زالىنان ءدامى ءتىل ۇيىرەتىن قازاقتىڭ ۇلتتىق تاعامدارىنان ءدام تاتىپ، قازاق حالقى تۋرالى كوپتەگەن ماعۇلمات الدىم. مەنىڭ بايقاعانىم قازاق حالقى وتە قوناقجاي ەكەن. مەن «جەنت» دەپ اتالاتىن تاعامدى ءبىرىنشى رەت كوردىم. ءدامى قاتتى ۇنادى.
www.24.kz