قاسيەتتى مەكەندە قانشا قاجىنىڭ سۇيەگى قالعانى بەلگىلى بولدى

استانا. قازاقپارات - بيىلعى قاجىلىق ماۋسىمى دا اياقتالىپ، ساۋد ارابياسى كورولدىگى ءبىرقاتار مالىمەتتەردى جاريا ەتتى.

دەرەكتەرگە سۇيەنسەك، بيىلعى جىلى قاجىلىق پارىزىن 2 ميلليونعا جۋىق جان وتەگەن ەكەن.

بۇل تۋرالى muslim.kz حابارلايدى.

سونداي-اق، قاجىلىق ماۋسىمى كەزىندە 39 جاننىڭ كوز جۇمعانى دا بەلگىلى بولىپ وتىر. اللا تاعالا جازۋىمەن قاسيەتتى مەكەندە ءدام-تۇزى تاۋسىلعان ولاردىڭ كوبىسى جاسى جەتكەن ەگدە ادامدار ەكەنى ايتىلادى. بۇعان قوسا، جەرگىلىكتى دارىگەرلەردىڭ انىقتاماسى بويىنشا «سوزىلمالى اۋرۋلارىنىڭ اسقىنىپ كەتۋى» دە سەبەپ بولىپ وتىر.

بەلگىلى بولعانداي، قايتىس بولعان قاجىلاردىڭ ىشىندە الجير مەن مىسىر ەلىنىڭ ازاماتتارى كوپ كورىنەدى.