بۇل سۋرەتتە جانۇياسىنان سوعىستىڭ سالدارىنان ايىرىلىپ، ءبىرشاما ۋاقىتتان سوڭ قايتا قاۋىشقان اكەنىڭ قۋانىشى بەينەلەنگەن. ازامات قورشاۋدىڭ ار جاعىندا تۇرعان بالا-شاعاسىنىڭ قولدارىنان ءسۇيىپ، ىستىق ساعىنىشى مەن ماۋقىن باسا الماي جاتىر.
اممار حامماشونىڭ جانۇياسى 300 سيريالىق بوسقىندارمەن جەرورتا تەڭىزىنىڭ سولتۇستىك-باتىس جاعىنا قاراي ءوتىپ كەتكەن. وتاعاسى ولاردى ىزدەپ وسىدان ءبىر جىل بۇرىن يدليبتەن كيپرگە كەلگەن بولاتىن.
مىنە، ىزدەۋدىڭ اقىرى جاقسى ناتيجە بەرگەن سەكىلدى. ولار ءبىر-ءبىرىن تاپتى.
بۇل تاماشا كورىنىس كوپشىلىكتىڭ سۇيىسپەنشىلىگىنە بولەنىپ، كوزدەرىنە جاس تا ءۇيىرتىپ ۇلگەردى.