ق ر پرەزيدەنتى وزبەكستان مەن تۇرىكمەنستانعا ساپارمەن بارادى
20:16, 13 - قىركۇيەك 2017
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ 2017-جىلعى 16- قىركۇيەكتە مەملەكەتتىك ساپارمەن وزبەكستان رەسپۋبليكاسىنا بارادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى تاشكەنتتە شاۆكات ميرزيەيەۆپەن كەزدەسۋ وتكىزەدى. وندا ەكىجاقتى قارىم-قاتىناستى ودان ءارى دامىتۋدىڭ جولدارى تالقىلانادى. سونداي-اق، ساپار اياسىندا نۇرسۇلتان نازاربايەۆتىڭ قازاقستان-وزبەكستان بيزنەس-فورۋمىنا قاتىسۋى جوسپارلانىپ وتىر.
مەملەكەت باسشىسى 2017-جىلعى 17- قىركۇيەكتە جۇمىس ساپارىمەن تۇرىكمەنستانعا بارادى. ساپار اياسىندا قازاقستان پرەزيدەنتى اشحابادتا جابىق عيماراتتا وتەتىن جانە جاۋىنگەرلىك ونەر سىنعا تۇسەتىن V ازيا ويىندارىنا قاتىسادى.