تومەنگى پالاتا اتالعان قۇجاتتى قولدادى. الايدا دەپۋتات باقىتجان ەرتايەۆ گەنەرال مۇحتاروۆقا ەسكەرتۋ جاسادى، دەپ حابارلايدى قازاقپارات ءتىلشىسى.
«تالعات ءسابيت ۇلى، مەملەكەت باسشىسى، باس قولباسشى نۇرسۇلتان نازاربايەۆ سىزدەردى قارۋ-جاراق ساۋداسىنان الىستاتتى. ول جايىندا ايتۋعا دا رۇقسات جوق. اسكەري ادام ءوزىنىڭ قاسيەتتى بورىشى - وتاندى قورعاۋمەن اينالىسۋى قاجەت. سوعان كاسىبي تۇرعىدا دايىن بولۋ قاجەت. ال باسقا ماسەلەلەر ءۇشىن قورعانىس جانە اەروعارىش ونەركاسىبى مينيسترلىگى قۇرىلعان بولاتىن. نەگە ءبىز «پوگوندى» تاعىپ الىپ، قارۋ-جاراق ساۋداسى تۋرالى بايانداپ تۇرمىز. نەگىزى، ءدال قازىر مىنبەردە ءسىز ەمەس، گەنەرال مىرزا، باسقا مينيسترلىكتىڭ وكىلدەرى تۇرۋى ءتيىس»، - دەدى دەپۋتات ەرتايەۆ.
ۆيتسە- مينيستر مۇحتاروۆ اتالعان ەسكەرتۋدىڭ ورىندى ەكەنىن جەتكىزدى.
«اتالعان ماسەلە بۇرىننان بەرى قورعانىس مينيسترلىگىنىڭ جۇمىس جوسپارىندا بولعان. سول سەبەپتى بىزگە بايانداۋعا تۋرا كەلىپ وتىر»، - دەپ اتاپ كورسەتتى مۇحتاروۆ.
ايتا كەتەيىك، وتىرىس بارىسىندا دەپۋتات امانجان جامالوۆ ق ر ۇلتتىق ءتوراعاسى دانيار اقىشەۆتىڭ اتىنا ساۋال جولداپ، بلوكچەين مەن كريپتوۆاليۋتالار بويىنشا ۆەدومستۆوارالىق كوميسسيانى قۇرۋدى ۇسىندى.
اۆتور: ارمان اسقاروۆ