بوكس مامانى قانات يسلام مەن جانقوش تۇراروۆتى سىناپ تاستادى
ەسكە سالايىق، قانات يسلام استانادا 25- جەكپە-جەگىن وتكىزىپ، جەڭىسكە جەتتى. بۇل جولى ونىڭ قارسىلاسى برەندون كۋك بولدى. تۇراروۆ بولسا ارگەنتينالىق برۋنو لەوناردو رومەيدى تورەشىلەردىڭ شەشىمىمەن جەڭدى. دەميانەنكونىڭ ايتۋىنشا، جەكپە-جەك كەزىندە قانات بار مۇمكىندىگىن پايدالانباعان.
«ءبىرىنشى نوكداۋننان كەيىن، يسلام كۋكتى نوكاۋتقا جىبەرۋىنە بولار ەدى، الايدا جەكپە-جەك توعىز راۋندقا سوزىلدى. يسلام ءبىراز سوققى قابىلدادى. باسىندا ول كۇلىمسىرەپ ءجۇردى، ءبىراق كەيىنىرەك باتىرسىنۋدىڭ كەرەك ەمەس ەكەنىن اڭعارعانداي. كەزدەسۋ سوڭىندا ول جۇمىس ىستەۋ كەرەكتىگىن تۇسىنگەنىنە راقمەت»، - دەيدى ساراپشى.
«ماعان مامان رەتىندە ادامنىڭ ءوز ساناتىن جوعالتىپ جاتقانى قىنجىلتادى. ونىڭ جىلدامدىعى جوعالىپ، ول ءوزىنىڭ كومبيناتسيالارىمەن جۇمىس ىستەمەيدى. قانات يسلامنىڭ الدىن دا نە بولارىن ...ونىڭ ۋاقىتى كەلىپ جاتىر، دايىندىق كەزىندە قاتتى كۇش سالۋعا بولمايدى. وسى كومپونەنتتەردىڭ بارلىعى جەڭىلىسكە الىپ كەلەدى. اۋەسقوي بوكستا قانات وتە مىقتى بوكسشى بولدى. كومبيناتسيالىق دايىندىقتار مەن ءبىر پوزيتسيادان جاقسى جۇمىس ىستەي بىلەتىن، ال قازىرگى ۋاقىتتا بەلدەن تومەن ءجيى سوققى جاسايدى. ونى سولاي جاتتىقتىرعان، سول سەبەپتى دە وعان ەسكەرتۋلەر جاسالدى. دايىندىقتارىن قاراڭىزدار. ونىڭ باپكەرى ۇرعىنى باۋىردان تومەن ۇستايدى، سول سەبەپتى دە يسلام تومەن ۇرادى. بۇل وكىنىش تۋعىزادى»، - دەيدى ول. تانىمال سپورت مامانى جانقوش تۇراروۆتىڭ دا جۇدىرىقتاسۋى تۋرالى پىكىر ءبىلدىردى.
«تۇراروۆ جانكۇيەرلەردىڭ ىسقىرىپ كەتۋىنە دەيىن جۇدىرىقتاستى. ول دەگراداتسياعا ۇشىراعان. ول قانداي قاسيەتىمەن ۇتپاقشى»، - دەدى دەميانەنكو.
«تۇراروۆ الدىڭعى قولىمەن تۇرتكىلەپ قويادى. ول قولىن كوتەرمەيدى جانە باسىن شىعارا بەرەدى. ونى نە ءۇشىن ىستەگەنى تۇسىنىكسىز. تۇراروۆ ەشتەڭەنىڭ دە ىسكە اسپاي جاتقانىن كورىپ، ەكى قولىن ءتۇسىرىپ، سيرك شوۋىن ۇيىمداستىرادى»، - دەپ سىنادى مامان.