كورەي تۇبەگىندەگى جاعداي قىسقى وليمپيادانى وتكىزۋگە كەدەرگى كەلتىرمەيدى
بۇل تۋرالى باح ليماداعى ح و ك سەسسياسىنان كەيىنگى باسپا ءسوز ءماسليحاتىندا ايتتى، دەپ حابارلايدى ت ا س س.
ب ۇ ۇ قاۋىپسىزدىك كەڭەسى دۇيسەنبى كۇنى التىنشى رەت يادرولىق سىناق وتكىزگەن ك ح د ر- گە قارسى سانكسيانى كۇشەيتۋ تۋرالى رەزوليۋتسيانى قابىلدادى.
«ك ح د ر مەن باسقا ەلدەر اراسىنداعى تۋىنداعان شيەلەنىس سالدارىنان حالىقارالىق ويىنداردى وتكىزۋگە ازىرگە قانداي دا ءبىر قاۋپى ءتونىپ تۇرعان جوق»، - دەدى باح. سونداي-اق، ول شيەلەنىستى ديپلوماتيالىق جولمەن شەشىلەتىنىنە ۇمىتتەنەتىنىن جەتكىزدى.
«ويىندار بارلىق ۇلتتىق وليمپيادا كوميتەتتەرى، ونىڭ ىشىندە ك ح د ر سپورتشىلارى ءۇشىن ءارقاشان اشىق. ءبىز جارىستارعا قاتىسىپ جۇرگەن ك ح د ر اتلەتتەرىن باقىلاپ وتىرمىز، ولارعا، قاجەت بولعان جاعدايدا، قولداۋ كورسەتۋگە ءازىرمىز»، - دەدى ح و ك باسشىسى.
ايتا كەتەيىك، قىسقى وليمپيادا ويىندارى 2018-جىلدىڭ 9-25- اقپان ارالىعىندا پحەنچحان قالاسىندا وتپەك.