تاشكەنتتەگى جەتى توننا پالاۋ دايىنداۋ شاراسى داۋمەن اياقتالدى - فوتو، ۆيدەو

بۇل تۋرالى س-1 حابارلايدى.

شارا جۇما كۇنى وتكەنىنە قاراماستان، وعان 70-80 مىڭ ادام كەلگەن. ءتارتىپ ساقشىلارى كەلۋشىلەردى ۇستاپ تۇرا الماي، ازەر يە بولعان.

ۇيىمداستىرۋشىلار تاراپىنان تەگىن سۋ مەن تاماق تەز تاۋسىلىپ قالادى. ءتىپتى بيودارەتحانالار دا جەتىسپەيدى. ادامداردان ءجاي تۇرىپ قاراعانى ءۇشىن اقشا تالاپ ەتىلگەن. جاعدايدى توبەدە شاقىرايعان كۇننىڭ ىستىعى دا قيىنداتا ءتۇسىپتى.

ال كەشكە جاقىن پالاۋ دايىن بولىپ، تاراتىلاتىن كەزدە ادامدار ەڭ ءبىرىنشى بولىپ ءدام تاتۋعا ۇمتىلىپ، جاعدايدىڭ سوڭى ايقاي-شۋعا ۇلاسقان. وقيعانى الەۋمەتتىك جەلىدە دە قىزۋ تالقىلاعان كورىنەدى.

ءبىرى ءوز حالقى ءۇشىن ۇيالاتىنىن ايتسا، ءبىرى بۇل ۇيىمداستىرۋشىلاردىڭ قاتەلىگى دەپ سانايدى.