الماتىدا جالعان قۇجاتپەن جۇرگەن يراك ازاماتتارى ۇستالدى
14:21, 11 - قىركۇيەك 2017
استانا. قازاقپارات - الماتىدا 4 ادامنان تۇراتىن وتباسى گرەتسيا ازاماتتارىنىڭ قۇجاتتارىمەن فرانسياعا ءوتىپ كەتپەكشى بولعان، دەپ حابارلايدى «قازاقپارات» ح ا ا ءتىلشىسى ق ر ۇ ق ك- نىڭ باسپا ءسوز قىزمەتىنە سىلتەمە جاساپ.
«الماتى» شەكارا باقىلاۋى بولىمشەسىنىڭ جاساعى «الماتى- ىستانبۇل» باعىتىنداعى رەيستەن جالعان قۇجاتتارمەن جۇرگەن يراك ازاماتتارىن ۇستادى. ۇستالعانداردىڭ ايتۋى بويىنشا، ولار «بوسقىندار» مارتەبەسىن الۋ ءۇشىن فرانسياعا ءوتۋ ماقساتىندا قازاقستان رەسپۋبليكاسىنىڭ اۋماعىن ترانزيت رەتىندە پايدالانباقشى بولعان»، - دەلىنگەن شەكارا قىزمەتىنىڭ باسپا ءسوز بايانىندا.
ۆەدومستۆو تاراتقان مالىمەتتەرگە قاراعاندا، اتالعان ازاماتتار حالىقارالىق زاڭناما اياسىندا كەرى باعىتقا دەپورتاتسيالاندى.
ۇستاۋ دەرەگى تۋرالى اقپارات قۇقىق قورعاۋ جانە ءوزارا ءىس-قيمىل ورگاندارىنا حابارلاندى.