لەنينگە پاروديا جاساعان گالكين كوممۋنيستەردىڭ جاپپاي نارازىلىعىن تۋعىزدى - ۆيدەو

استانا. قازاقپارات - تانىمال رەسەيلىك پاروديست ماكسيم گالكيننىڭ كەزەكتى پارودياسى «كوممۋنيستى روسسيي» پارتياسىنىڭ وكىلدەرىنىڭ نارازىلىعىن تۋدىردى.

قازىر كاپريدە جۇبايى اللا پۋگاچيەۆامەن بىرگە دەمالىپ جۇرگەن گالكين بەينەجازبانى ينستاگرامداعى پاراقشاسىندا جاريالاعان. وندا ول ۆلاديمير لەنينگە پاروديا جاساپتى. بۇعان اشۋلانعان پارتيا وكىلدەرى بولسا بىرنەشە جىلدان سوڭ جۇرت گالكين تۋرالى ۇمىتادى، ال لەنين ماڭگىلىككە قالادى دەيدى.

«ۇلى وكتيابر سوتسياليستىك رەۆوليۋياتسياسىنىڭ 100 جىلدىعى قارساڭىندا ونىڭ مۇنداي ارەكەت جاساۋى ەلىمىزدىڭ كوپتەگەن ازاماتتارىنىڭ نامىسىنا تيەدى. نەنىڭ نە ەكەنىن بىلمەيتىن بۇل جاس جىگىتتى توقتاتۋ كەرەك. جانە تەلەارنالارعا دا شاقىرماۋ كەرەك»، - دەدى پارتيا وكىلدەرى. بۇعان جاۋاپ بەرگەن گالكين پارودياسىنىڭ ەش سوكەتتىگى جوق ەكەنىن ايتقان.

«مەن ساياساتكەردىڭ سوزىمنەن لينگۆيستيكالىق قاتە تاۋىپ بەرۋىن سۇرايمىن. جانە ناقتى قاي جەرى ۇناماعانىن ايتسىن. ال مەن كىمگە قانداي پاروديا جاساعىم كەلەدى، ونى ءوزىم شەشەمىن»، - دەيدى ماكسيم.

 

Ленин. Капри. 2017 🗣 #ленинжив #максимгалкин

Публикация от Максим Галкин | Official (@maxgalkinru) Сен 7 2017 в 2:05 PDT