ناسا ادامزاتتىڭ ومىرىنە قاۋىپ ءتونىپ كەلە جاتقانىن ايتتى
الىپ جانارتاۋلاردىڭ اتقىلاۋىنان جەر بەتىندە ەگىن ونىمدىلىگى كۇرت قىسقارىپ، ميلليونداعان ادامداردىڭ اشتىقتان قىرىلۋىنا، جانارتاۋلىق قىستىڭ تۇسۋىنە سەبەپ بولادى.
NASA ماماندارى وسىنداي بولجام جاساپ وتىر. قازىر ۇيقىداعى 20 الىپ جانارتاۋدىڭ ءبىرى اتقىلاعاننىڭ وزىندە ادامزاتقا الاپات زيان جەتەدى. ال ەڭ قاۋىپتى الاپات جانارتاۋ رەتىندە عالىمدار ا ق ش- تىڭ ۆايومينگ شتاتىنداعى يەللوۋستون جانارتاۋىن اتايدى. ءبىراق مۇنداي الىپ جانارتاۋلاردىڭ ەشقايسىسى جاقىن ءجۇزجىلدىقتاردا ويانا قويمايدى.
باسىلىمنىڭ جازۋىنشا، امەريكا ۇلتتىق عارىش اگەنتتىگى سۋپەرجانارتاۋلاردىڭ قاتەرىن جويۋ بويىنشا بىرنەشە جوسپار جاساپ شىققان. ونىڭ ءمانى كۇردەلى تەحنيكالىق جانە تەحنولوگيالىق قيمىلدار الگوريتمىندە جاتىر. سونداي ۆاريانتتاردىڭ ءبىرى جانارتاۋدى «سالقىنداتۋ» ءۇشىن ۇلكەن كولەمدە سۋ ءبولۋ جوسپارى بولۋى مۇمكىن.