پولشالىق كاسىپكەرلەر اقمولا وبلىسىنان ىسكەر ارىپتەستەر ىزدەپ جاتىر

كوكشەتاۋ. قازاقپارات - پولشا رەسپۋبليكاسىنىڭ كاسىپكەرلەرى اقمولا وبلىسىنان ىسكەر ارىپتەستەر ىزدەۋدە.

بۇل تۋرالى وبلىس اكىمىنىڭ ورىنباسارى اسحات قايناربەكوۆتىڭ پولشانىڭ نيجنەسيلەزسكي ۆويەۆودستۆاسىنىڭ مارشالى تسەزاري پشىبىلسكي باستاپ كەلگەن دەلەگاتسيامەن كەزدەسۋىندە ايتىلدى، دەپ حابارلايدى قازاقپارات ءتىلشىسى.

كەزدەسۋدە ەكىجاقتى ىنتىماقتاستىق جانە ساۋدا-ەكونوميكالىق بايلانىستى نىعايتۋ ماسەلەسى ءسوز بولدى. ءوز كەزەگىندە شەتەلدىكتەر اقمولالىقتاردى اعىمداعى جىلدىڭ جەلتوقسان ايىندا وتەتىن بيزنەس- فورۋمعا قاتىسۋعا شاقىردى.

دەلەگاتسيا قۇرامىندا «Feerum» (كەشەندى استىق ەليەۆاتورلارىن ءوندىرۋشى)، «COHM» (قوناق ءۇي جانە مەيرامحانا، فارماتسيەۆتيكالىق جانە كوسمەتيكالىق سالا بيزنەسى)، «Sonda Sports Ltd.» (سپورتتىق سالا)، «KOSMED» (فارماتسيەۆتيكالىق، كوسمەتيكالىق، كوتەرمە جانە بولشەك ساۋدا)، «MADONIS» (اس، كوسمەتيكالىق جانە تازالاعىش قۇرالدارى) ءتارىزدى ءىرى كومپانيالاردىڭ باسشىلارى بولدى.

نيجنەسيلەزسكي ۆويەۆودستۆاسىنىڭ وڭىرلىك دامۋ دەپارتامەنتى ديرەكتورىنىڭ ورىنباسارى باربارا كاشنيكوۆسكا دەلەگاتسيا اقمولا وبلىسىنا بيزنەس بويىنشا ارىپتەس ىزدەپ كەلگەنىن اتاپ ءوتتى.

ەسكە سالا كەتەيىك، اقمولا وبلىسى مەن پولشا رەسپۋبليكاسى اراسىنداعى ساۋدا-ەكونوميكالىق بايلانىس 2017-جىلدىڭ ءبىرىنشى جارتىجىلدىعىندا 5282 مىڭ ا ق ش دوللارىن قۇرادى.

بۇل وتكەن جىلدىڭ سايكەس كەزەڭىمەن سالىستىرعاندا 2,9 ەسە ارتىپ وتىر. ونىڭ ىشىندە ەكسپورت ۇلەسى 2595,8 مىڭ ا ق ش دوللارى، يمپورت ۇلەسى 2686,2 مىڭ ا ق ش دوللارىن قۇرادى.

اۆتور: اسلان وسپانوۆ