ي ى ۇ سامميتىنىڭ باستى ساياسي قۇجاتى - استانا دەكلاراتسياسى قابىلدانادى
بۇل تۋرالى بۇگىن ەلوردا تورىندە باستالعان يسلام ىنتىماقتاستىق ۇيىمىنىڭ عىلىم جانە تەحنولوگيالار جونىندەگى ءبىرىنشى سامميتىندە قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«سامميتتىڭ باستى ساياسي قۇجاتى - استانا دەكلاراتسياسىنىڭ قابىلدانۋى بۇگىنگى جۇمىس سەسسياسىنىڭ سوڭىنا جوسپارلانعان. ال عىلىم جانە تەحنولوگيالاردى دامىتۋ سالاسىنداعى يسلام ىنتىماقتاستىق ۇيىمىنىڭ 2026-جىلعا دەيىنگى باعدارلاماسى اتتى قورىتىندى قۇجات ءسامميتتىڭ ەكىنشى كۇنى ياعني، ەرتەڭ قابىلداناتىن بولادى. بۇل باعدارلامانىڭ جوباسى كەشە وتكەن مينيسترلەر وتىرىسىندا قابىلدانىپ، ءسامميتتىڭ قاۋلىسىنا ۇسىنىلدى»، - دەدى سامميتتىڭ جالپى وتىرىسىن قورىتىندىلاعان قازاقستان پرەزيدەنتى.
قازىرگى ۋاقىتتا سامميتكە قاتىسۋشىلار جارتى ساعاتتىق ۇزىلىسكە شىقتى. ودان كەيىن وتەتىن ءسامميتتىڭ ءبىرىنشى جۇمىس سەسسياسى قر سىرتقى ىستەر ءمينيسترى قايرات ءابدىراحمانوۆتىڭ مودەراتورلىعىمەن «21 عاسىرداعى قوعام ومىرىنە عىلىم ىقپالىنىڭ ارتۋى» تاقىرىبىندا وتەتىن بولادى.
اۆتور: مارلان جيەمباي