استانادا ليفتكە قاتىستى وقيعادان ەشكىم زارداپ شەككەن جوق - اكىمدىك

استانا. قازاقپارات - 9- قىركۇيەك كۇنى «گرانت استانا» تۇرعىن ءۇي كەشەنىندە ليفتتىڭ جەدەل توقتاۋى تەحنيكالىق سەبەپتەردەن بولعان، دەپ حابارلايدى استانا اكىمدىگىنىڭ باسپا ءسوز قىزمەتى.

18- جانە 16-قاباتتاردا تۇراتىن تۇرعىندار 16-قاباتتا توقتاعان سوڭ ليفتتى 2- قاباتقا دەيىن جەدەل ءتۇسىپ بارىپ توقتاعانىن ناقتىلادى. بەلگىلى ءبىر ۋاقىتتان كەيىن ەسىگى وزدىگىنەن اشىلىپ، تۇرعىندار شىققان.

بۇل جاعدايدا زارداپ شەككەندەر جوق. «وقيعا ورنىنا قالا اكىمىنىڭ كەڭەسشىسى، جەرگىلىكتى پوليتسيا قىزمەتكەرلەرى جەتتى. ليفتىلەر جۇمىس ىستەپ تۇردى. جەدەلساتىنى تەحنيكالىق تەكسەرىستەن وتكىزگەن سوڭ جەدەل قوزعالۋ كەزىندە اپاتتىق تەتىك شتاتتىق رەجيمدە ىسكە قوسىلعان.

شۇعىل قوزعالىستىڭ سەبەبى ارقان اراسىنداعى تۇيىنگە باسقا زات تۇسكەن»، دەلىنگەن حابارلامادا.