قانات يسلام: بۇل قازاق ەلىنىڭ جەڭىسى

استانا. قازاقپارات - قانات يسلام كەشەگى جەڭىسىن «بۇل قازاق ەلىنىڭ جەڭىسى»، دەپ حابارلايدى قازاقپارات ءتىلشىسى.

بۇل تۋرالى ول بۇگىن ءوزىنىڭ Facebook-تەگى پاراقشاسىندا جازدى.

«بۇل جەڭىس قازاق ەلىنىڭ جەڭىسى! بۇل جەڭىس تاۋەلسىز ەلدىڭ جەڭىسى! بۇل ىنتىماق پەن بىرلىكتىڭ جەڭىسى! الەم الدىندا ۇلتىمىزدىڭ ابىرويى اسقاقتاي بەرسىن! كوك تۋ جەلبىرەسىن! سول جولدا جۇمىلعان جۇدىرىقتاي جۇمىس جاساۋدى جازسىن! بوكس كەشىنىڭ باس سەرىكتەستەرى: قازاقستان رەسپۋبليكاسى مادەنيەت جانە سپورت مينيسترلىگى، «سامۇرىق قازىنا» ۇلتتىق ءال-اۋقات قورى، استانا قالاسىنىڭ اكىمشىلىگى، الماتى قالاسى اكىمدىگى، «ZHERSU» وندىرىستىك- ينۆەستيتسيالىق كورپوراتسياسى، «BI Group»، «بازيس ا» جانە «Mabetex Group» قۇرىلىس كومپانيالارىنا العىس بىلدىرەمىز! نامىس جوق جەردە جەڭىس جوق!»، - دەپ جازدى قانات يسلام.

ەستەرىڭىزگە سالا كەتەيىك، كەشە استانادا قانات يسلام مەن برەندون كۋك اراسىنداعى بوكس كەشىندە قاناتتان وزگە تاعى سەگىز وتانداسىمىز شارشى الاڭعا شىعىپ، بارلىعى دا قارسىلاستارىن ايقىن باسىمدىلىقپەن ۇتقان بولاتىن.

اۆتور: كۇنسۇلتان وتارباي