مالايزيادا دۇكەننىڭ جانىنان قولتىراۋىندى ۇستاپ الدى - كەسكىن

استانا. قازاقپارات - مالايزيانىڭ ساراۆاك شتاتىنا قاراستى ليمبانگ قالاسىندا الىپ قولتىراۋىن جەرگىلىكتى تۇرعىنداردىڭ ءبىرىنىڭ دۇكەنىنە جورعالاپ كەلگەن.

جىرتقىشتى ۇستاۋ ءۇشىن تۇرعىندار ءورت سوندىرۋشىلەردى شاقىردى، دەپ جازادى korrespondent.net.

ءورت سوندىرۋشىلەرگە باۋىرىمەن جورعالاۋشىنى ۇستاۋ وڭايعا سوققان جوق. وسى وقيعا جونىندەگى بەينەروليكتە قولتىراۋىننىڭ ونى ارقانمەن بايلاماق بولعان كەزدە ايبات شەگىپ، قۇرىقتان امان شىققاندىعىن كورۋگە بولادى. سونداي-اق جىرتىقشتىڭ بەتىنە جامىلعى جاپپاق بولعان ءورت سوندىرۋشىلەردىڭ بۇل ارەكەتى دە ناتيجەسىز بولدى.

بەينەكورىنىستىڭ اۆتورىنىڭ ايتۋىنشا، ءورت سوندىرۋشىلەر قولتىراۋىندى ۇستاۋعا 1 ساعاتقا جۋىق ۋاقىت جۇمساعان. اقىر سوڭىندا ونى جۇك كولىگىنە تيەپ، جىرتقىش ءوزى كەلگەن جەرگىلىكتى وزەندەردىڭ بىرىنە جەتكىزىلدى. قولتىراۋىننىڭ قالاعا دەيىن كىرىپ كەتكەن كەزى ءبىرىنشى رەت بولعان.