ساعىنتايەۆ پەن ي د ب پرەزيدەنتى ازيا ەلدەرىنە ارنالعان ارنايى باعدارلامانى تالقىلادى
10:16, 10 - قىركۇيەك 2017
استانا. قازاقپارات - بۇگىن قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتايەۆ يسلام دامۋ بانكىنىڭ پرەزيدەنتى باندار م. ح. ءال-حادجارمەن كەزدەسۋ وتكىزدى، دەپ حابارلايدى ق ر ۇكىمەتىنىڭ باسپا ءسوز قىزمەتى.
كەزدەسۋ بارىسىندا ي د ب- مەن ەكونوميكالىق سەرىكتەستىكتى نىعايتۋ، «ءبىر بەلدەۋ، ءبىر جول» ەكونوميكالىق ستراتەگياسى اياسىنداعى ىنتىماقتاستىق، 2020-جىلعا دەيىن ورتالىق ازيا ەلدەرى ءۇشىن ي د ب- ءنىڭ ارنايى باعدارلاماسىنىڭ جوبالارىن ىسكە اسىرۋ ماسەلەلەرى تالقىلاندى.
بۇدان وزگە، ي د ب- ءنىڭ عىلىم، تەحنولوگيالار جانە يننوۆاتسيالار بويىنشا جاڭا قورىن، استانادا شتاب-پاتەرىمەن «ازىق-تۇلىك قاۋىپسىزدىگى بويىنشا يسلام ۇيىمىن» قۇرۋ جوبالارى جانە يسلامدىق قارجىلاندىرۋ يندۋسترياسىن دامىتۋ تۇرعىسىنان «استانا» حالىقارالىق قارجى ورتالىعى مەن ەلوردادا يسلام قارجىسىنىڭ وڭىرلىك حابىن قۇرۋ ماسەلەلەرى قارالدى.