كولىك جۇرگىزۋشىسى قازاقستان اۋماعىنا كىرۋ ءۇشىن شەكاراشىنى قاعىپ كەتكەن

استانا. قازاقپارات - «گازەل» جۇرگىزۋشىسى رەسەي-قازاقستان شەكاراسىن بۇزىپ كىرۋ ءۇشىن ايماقتىق شەكارالىق باسقارمانىڭ قىزمەتكەرىن قاعىپ كەتكەن، دەپ حابارلايدى punkt-a.info.

اتىراۋ وبلىسى كراسنويارسك اۋدانىنداعى قيعاش وزەنىنىڭ ۇستىندەگى شەكارالىق كوپىردە استراحاندىق كولىك جۇرگىزۋشىسى ماشينانى توقتاتۋدى تالاپ ەتكەن شەكاراشىنى قاعىپ وتە شىققان. الدىمەن ءتارتىپ بۇزۋشى قۇجاتىن كورسەتۋدەن باس تارتقان، كەيىن كولىكتى وتالدىرىپ، ءجۇرىپ كەتكەن. ءبىراق شەكاراشىلار ونى جىلدام توقتاتىپ، جۇرگىزۋشىنى ۇستاعان.

قازىرگى كەزدە ونىڭ ءىسى قۇقىق قورعاۋ ورگانى قىزمەتكەرىنىڭ ءومىرى مەن دەنساۋلىعىنا قاستاندىق جاساۋ فاكتىسى بويىنشا پروتسەسسۋالدىق شەشىم قابىلداۋ ءۇشىن رەسەي تەرگەۋ كوميتەتىنىڭ استراحان وبلىستىق تەرگەۋ باسقارماسىنا بەرىلگەن.