سەرىك ساپيەۆ پەن باقتيار ارتايەۆ جۇزدەگەن استانالىقپەن بىرگە جاتتىعۋ جاسالدى - فوتو
بيىل فەستيۆال ەلىمىزدە سالاۋاتتى ءومىر سالتىن قالىپتاستىراتىن قىزمەتتىڭ قۇرىلعانىنا 20 جىل تولۋىنا ارنالعان. شارانىڭ ۇيىمداستىرۋشىلارى - استانا قالاسىنىڭ اكىمدىگى، دەنساۋلىق ساقتاۋ باسقارماسى، سالاۋاتتى ءومىر سالتىن قالىپتاستىرۋ ورتالىعى.
فەستيۆال 2016-2019 -جىلدارعا ارنالعان «دەنساۋلىق» مەديتسينا سالاسىن دامىتۋ مەملەكەتتىك باعدارلاماسىنىڭ شارالار جوسپارىن جۇزەگە اسىرۋ اياسىندا ءوتتى.
استانا قالاسىنىڭ دەنساۋلىق ساقتاۋ باسقارماسى باسشىسى كامالجان نادىروۆ فەستيۆالدىڭ اشىلۋىندا قالا تۇرعىندارى بۇقارالىق سپورتتى ناسيحاتتايتىن وسىنداي شارالارعا بەلسەندى قاتىسا باستاعانىن ايتتى.
«جالپى استانانى سپورت قالاسىنا جاتقىزۋعا بولادى. سىزدەر بىلەسىزدەر، استانادا كوپتەگەن بۇقارالىق سپورتتىق شارالار ءوتىپ تۇرادى. سوندىقتان مەن ويلايمىن، ءبىزدىڭ تۇرعىندارىمىز مۇنداي شارالارعا ۇيرەنگەن جانە وسىنداي باستامالارعا ءسوزسىز، جاقسى قابىلداپ، قاتىسادى. جىل سايىن سپورتپەن شۇعىلداناتىن ادامدار سانى كوبەيەتىنىنە سەنىمدىمىن. بۇل وتە دۇرىس! ويتكەنى، فيزيكالىق بەلسەندىلىك دەڭگەيى ۇلتتىڭ دامۋىمەن، مادەنيەت دەڭگەيىمەن تىكەلەي بايلانىستى»، - دەيدى كامالجان نادىروۆ.
سونىمەن قاتار، دارىگەرلەر سالاۋاتتى ءومىر سالتىن ناسيحاتتاپ جۇرەتىنىن ايتتى. اتاپ ءوتۋ كەرەك، دارىگەرلەر دەرتتى ەمدەۋمەن كۇرەسەدى، ال ءار ادام ءوز دەنساۋلىعىن ويلاۋ ءتيىس. بۇل ادام بالاسىنىڭ ۇرانىنا اينالۋى كەرەك.
«استانادا كۇن سايىن ەشقانداي قوسىمشا شىعىنسىز، ءار تۇرعىن ءوز دەنساۋلىعىنا كوڭىل ءبولۋ ءۇشىن جاقسى جاعداي جاسالۋى كەرەك»، - دەپ اتاپ ءوتتى دەنساۋلىق ساقتاۋ باسقارماسىنىڭ باسشىسى.
«دەنساۋلىق فەستيۆالى-2017» شاراسى بارىسىندا وليمپيادا چەمپيوندارى سەرىك ساپييەۆ جانە باقتيار ارتايەۆپەن بىرگە جاتتىعۋ جاسالدى.
سونداي-اق فەستيۆال اياسىندا ءبىرقاتار شارالار ءوتتى. اتاپ ايتار بولساق، «ءجۇرۋ مارافونى»، «ءبىز سالاۋاتتى ءومىر سالتى ءۇشىن» اكسياسى «ساۋ رۋح» ۇرانىمەن جارىس، «مەنىڭ دەنىمنىڭ ساۋلىعى - ەلىمنىڭ ساۋلىعى» فلەشموبى ۇيىمداستىرىلدى.
بۇدان بولەك دجيۋ-دجيتسۋ ستيلىندە جەكپە-جەكشىلەر، سكانديناۆتىق ءجۇرۋ بويىنشا سپورت شەبەرلەرى، ارتىستەر ۇلگىلىك ونەر كورسەتتى. سونىمەن قاتار ەلوردا ارداگەرلەرىمەن جاپپاي جاتتىعۋ جاسالدى.
كەڭ اۋقىمدى اكسياعا ەلوردانىڭ بارلىق قىزىعۋشىلىق تانىتقان تۇرعىندارى مەن قوناقتارى قاتىستى.
جارىستاردا ەرەكشە كوزگەن تۇسكەن سپورتشىلار استانا قالاسى اكىمدىگىنىڭ العىس حاتتارىمەن، باعالى سىيلىقتارىمەن ماراپاتتالدى.