قىزدار مەن جىگىتتەردىڭ پىكىرىنە سۇيەنىپ، ورتاق مىناداي ناتيجە شىعاردىق دەپ جازادى massaget.kz.
جىگىتىنىڭ ماڭگىلىك نازارى. كوپ جىگىت قىزدى قىمبات سىيلىقتارمەن عانا قۋانتامىن دەپ ويلايدى. جوق. ءسىز ۇنەمى ونىڭ سوزىنە قۇلاق اسىپ، ەش سۇراعىن جاۋاپسىز قالدىرماي، باسقا جاقتا جۇرگەندە دە ويىڭىزدا وسى قىز جۇرەتىنىن ءبىلدىرىپ، ءجيى-ءجيى حابارىن الىپ وتىرساڭىز، قىزعا ودان ارتىق سىيلىقتىڭ قاجەتى جوق.
قىزعا قامقور، قورعان بولۋ دەگەن تەك قاۋىپتى جاعدايدان قۇتقارۋ ەمەس، كۇندەلىكتى جىلى كيىنۋىن، تاماعىن ۋاقىتىلى جەۋىن ايتىپ، دەنساۋلىعىنا، بولاشاعىنا الاڭداپ وتىرۋىڭىزدىڭ ءوزى وعان بەيجاي قارامايتىنىڭىزدى، سەزىمىڭىزدىڭ تەرەڭ ەكەنىن كورسەتەدى. ءسىز وعان ءاردايىم نازار اۋدارىپ، كوڭىلىن تابا بىلسەڭىز، ول دا ۇنەمى وزىنە قاراپ، سىمباتىنا، سىرت كەلبەتىنە باسا كوڭىل بولەدى.
وسىنداي قارىم-قاتىناس ارقىلى «قىز كەزىندە ءبارى جاقسى» دەگەن ءسوزدى قولدانباۋعا وزىڭىزگە ءوزىڭىز جاعداي جاسايسىز.
جىگىتكە قىزدان نە كەرەك؟
قىز جىگىتتى ەشتەڭەمەن قامتاماسىز ەتپەيدى. ءبىراق ەكەۋىنە دە بار قاجەتتىلىكپەن قامتيتىن نارسەلەردى تابۋىنا قىز تۇرتكى بولادى. جىگىتى ءۇشىن ونىڭ اقشاسى دا، كومەگى دە، قىزمەتى دە ەش ماڭىزدى ەمەس. قاراجاتتان قينالسا، وعان دەمەۋشىلىك جاساماڭىز. ەر باسىمەن ايەل زاتىنىڭ قولىنا قاراۋ ەر ازامات ءۇشىن نامىستىڭ اڭگىمەسى.
كەرىسىنشە، ءسىز سول قارجىنى ءوزى تابۋى ءۇشىن جىگەرلەندىرىڭىز. جىگىتكە قىزدان تەك قولداۋ كەرەك. قاي ءىستى دە دوڭگەلەنتىپ اكەتەرىنە سەنىم ءبىلدىرىڭىز. ونى ۇنەمى قولپاشتاپ، ايتقانىن قۇپتاپ وتىرىڭىز، شەشىمىنە قارسى شىقپاڭىز. ءتىپتى ءسىزدىڭ ايتقانىڭىزدى ىستەدى دەگەن كۇننىڭ وزىندە «بۇل ءوز شەشىمىم» دەپ ويلايتىنداي جاعداي تۋعىزىڭىز.
تەك اقشا تابۋ ماسەلەسى ەمەس، ۇيدەگى قاراپايىم شەگە قاعۋ سىندى جۇمىستارعا ەبى جوق بولسا، ءوزىڭىز ىستەي سالماي، ونىڭ ەر ازامات ەكەنىن ايتىپ، قولىنان ءبارى كەلەتىنىنە شىن سەنىپ، قالاي بولسا دا ءوزى ۇيرەنىپ الۋىنا يتەرمەلەڭىز. بيلەپ-توستەمەڭىز. جاي عانا قولداۋ كورسەتىڭىز.