قازاقستاندا تەگىن مەديتسينالىق كومەكتىڭ كەيبىر تۇرلەرى شەكتەلمەك
بۇل تۋرالى بۇگىن «مىندەتتى الەۋمەتتىك مەديتسينالىق ساقتاندىرۋدى ەنگىزۋدىڭ وزەكتى ماسەلەلەرى» تاقىرىبىنداعى دوڭگەلەك ۇستەل وتىرىسىندا ق ر دەنساۋلىق ساقتاۋ ۆيتسە-ءمينيسترى ءلاززات اقتايەۆا ايتتى.
«مەملەكەت مىندەتتەمەسىنىڭ ناقتى شەكاراسىن ايقىنداۋ قاجەت. وسىعان بايلانىستى مەديتسينالىق قىزمەتتەردىڭ ءبىرقاتار ءتۇرىن شەكتەۋ جانە سايما- ساي تاريفتەر بەكىتۋ جولىمەن شىنايى قارجىلىق مۇمكىنشىلىكتەرگە دەيىن مەديتسينالىق كومەكتىڭ توپتامالارىن وڭتايلاندىرۋ ماسەلەسىن قاراستىرۋ ۇسىنىلادى. بۇل رەتتە ءمامس توپتاماسىن كەزەڭ- كەزەڭىمەن كەڭەيتۋ جارنا تولەۋ ارقىلى جۇيەنىڭ قاتىسۋشىسى بولاتىن ساقتاندىرىلماعان ازاماتتار ءۇشىن ىنتالاندىرۋشى كۇش بولار ەدى»، - دەدى ول.
ونىڭ اتاپ وتۋىنشە، ءمامس جۇيەسىن ەنگىزۋ دەنساۋلىق ساقتاۋ سالاسىن دامىتۋعا قوسىمشا رەسۋرس تارتۋعا مۇمكىندىك بەرىپ قانا قويماي، بيۋدجەت شىعىستارى وسىمىنە دە توسقاۋىل بولا الادى.
ايتا كەتەرلىگى، اتالعان شارا بارىسىندا ل. اقتايەۆا كەپىلدەندىرىلگەن تەگىن مەديتسينالىق كومەك كولەمىن قارجىلاندىرۋداعى تاپشىلىق 541 ميلليارد تەڭگەنى قۇرايتىندىعىن ايتقان بولاتىن.