ەرجان شىنكەيەۆ «الەم بارىسىنىڭ» قولا جۇلدەگەرى اتاندى

استانا. قازاقپارات - «الەم بارىسى» دوداسىنىڭ 3-ورىنى ءۇشىن تالاسىندا قازاقستاندىق بالۋان ەرجان شىنكەيەۆ موڭعوليالىق بالۋان سەرىك بەردىمۇراتتان باسىم ءتۇستى، دەپ حابارلايدى «قازاقپارات» ح ا ا ءتىلشىسى.

قولا ءۇشىن تالاس قوس بالۋان ءۇشىن وڭاي تيگەن جوق. ەرجاننىڭ باسىمدىعى و باستا-اق بىلىنگەنىمەن، سەرىك بارىن سالىپ باقتى. ءبىر جامباس ادىسپەن ۇپاي الىپ، بۇك ۇپايمەن العا شىققان ەرجان ەسەسىن بەرمەدى.

تارتىستى بەلدەسۋدىڭ قورىتىندىسى بويىنشا ەرجان شىنكەيەۆ «الەم بارىسىنىڭ» قولا جۇلدەگەرى اتاندى.

ايتا كەتەرلىگى، التىن بەلدىككە يە بولعان بالۋانعا 15 ميلليون تەڭگە، كۇمىس بەلدىك يەگەرىنە 5 ميلليون تەڭگە، قولا بەلدىك العانعا 3 ميلليون تەڭگە بەرىلەدى.

ەسكە سالا كەتسەك، «الەم بارىسى» دوداسىنىڭ فينالىندا ايبەك نۇعىماروۆ گرۋزيالىق بالۋان گۋرام تۋشيشۆيليمەن كەزدەسەتىن بولدى.

گۋرام جارتىلاي فينالدا ەرجان شىنكەيەۆتى سۇرىندىرگەن ەدى. ال ايبەك ءوز كەزەگىندە موڭعوليا بالۋانى سەرىك بەردىمۇراتتان باسىم تۇسكەن بولاتىن.

اۆتور: ايان بەكەن ۇلى