مەكسيكا تۇرعىندارىنا ءۇش مەتردەن اساتىن سۋنامي بولاتىندىعى ەسكەرتىلدى

استانا. قازاقپارات - بيىكتىگى ءۇش مەتردەن اساتىن سۋنامي مەكسيكا جاققا بەت الۋى مۇمكىن.

بۇل جايلى جۇما كۇنى تىنىق مۇحيتىنىڭ سۋناميدى ەسكەرتۋ ورتالىعى حابارلادى، دەپ جازادى ت ا س س.

سونىمەن قاتار، گۆاتەمالا، سالۆادور، ەكۆادور جانە جاڭا زەلانديا جاعالاۋلارىندا بيىكتىگى 0,3 تەن ءبىر مەترگە دەيىن تولقىن بولۋى مۇمكىن ەكەندىگى حابارلاندى.

اۆستراليا، چيلي، قىتاي، جاپونيا، كوستا-ريكي جانە گوندۋراس جاعالاۋلارىندا 0,3 مەتردەن تومەن تولقىندار بولۋى مۇمكىن.

ەۋروپالىق جەرورتا تەڭىزى سەيسمولوگيالىق ورتالىعىنىڭ بۇعان دەيىن حابارلاعانىنداي، جۇما كۇنگە قاراعان ءتۇنى مەكسيكا جاعالاۋىندا ماگنيتۋداسى 8,1 گە دەيىن جەتكەن قۋاتتى جەر سىلكىنىسى بولعان.

ءزىل زالانىڭ وشاعى 482 مىڭ تۇرعىنى بار تۋستلا-گۋتەررەس قالاسىنىڭ وڭتۇستىگىنەن 202 ك م قاشىقتىقتا ورنالاسقان.