كاسىپقوي بوكس: «قازاق» پەن «جامان بالا» سالماق ولشەۋدەن ءساتتى ءوتتى - فوتو
تارازىعا الدىمەن برەندون كۋك شىعىپ، 68,4 كەلىنى كورسەتتى. قانات يسلام بولسا، ودان ءبىر كەلىگە استى. "قازاقتىڭ" تازا سالماعى 69,6 كەلىنى قۇرادى. ءبىر كەلى ايىرماشىلىعىنا قاراماستان، ەكى بوكسشى دا ءبىرىنشى ورتا سالماقتىڭ مەجەسىنەن شىعا ءبىلدى.
شاراعا يسلام- برۋك جەكپە- جەگىنىڭ اندەكارتىندا ونەر كورسەتەتىن قازاقستاندىق بوكسشىلار - جانقوش تۇراروۆ (21-0, 15 ك و)، جانىبەك ءالىمحان ۇلى (1-0, 1 ك و)، مەيىرىم نۇرسۇلتانوۆ (3-0, 2 ك و)، رۋسلان مىرساتايەۆ (3-0, 3 ك و)، ءالي احمەدوۆ (7-0, 5 ك و)، ايدوس ەربوسىن ۇلى (6-0, 6 ك و)، ديماش نيازوۆ (11-0-3, 5 ك و)، نۇرسۇلتان جاڭابايەۆ (2-0، 1 ك و) جانە ولاردىڭ بارلىق قارسىلاستارى قاتىسىپ، ءوز سالماقتارىن راسىمدەدى. بوكسشىلاردى قولداۋعا جينالعان حالىقتىڭ قاراسى كوپ بولدى.
ايتا كەتكەن ءجون، بوكس كەشى 9 -قىركۇيەكتە استاناداعى "سارى ارقا" ۆەلوترەگى عيماراتىندا وتەدى. وندا ونەر كورسەتەتىن قازاق بوكسشىلارىنىڭ بىرەۋى دە وسى ۋاقىتقا دەيىن جەڭىلىپ كورمەگەن. قانات يسلامنىڭ قارسىلاسى - برەندون كۋك تا جەڭىلىسكە تاپ بولعان ەمەس. "قازاق" پەن "جامان بالا" (كۋكتىڭ لاقاپ اتى - اۆت. ) ءبىرىنشى ورتا سالماقتاعى WBA Inter- Continental جانە WBO- NABO نۇسقاسىنىڭ چەمپيوندىق اتاقتارىن ساراپقا سالادى.