عالىم ءدارى- دارمەكتىڭ قىمباتشىلىعىن ءبىر مىسالمەن دالەلدەپ بەردى

استانا. قازاقپارات - دۇنيەجۇزى دەنساۋلىق ساقتاۋ ۇيىمى اتقارۋ كوميتەتىنىڭ مۇشەسى، پروفەسسور ماقسۇت قۇلجانوۆتىڭ ايتۋىنشا، سوڭعى ەكى جىلدىڭ ىشىندە قازاقستاندا ا ي ت ۆ- عا قارسى ءدارى- دارمەكتىڭ باعاسى تومەندەسە دە، كورشى وزبەكستاننان ءتورت ەسە قىمبات بولىپ تۇر، دەپ حابارلايدى قازاقپارات ءتىلشىسى.

«ءبىر مىسال كەلتىرەيىن، جۇقتىرىلعان يممۋن تاپشىلىعى سيندرومىنا قارسى ءدارى- دارمەكتىڭ باعاسى كورشى ەلدەرمەن سالىستىرعاندا ون ەسە قىمبات بولعان. قازاقستاندا ەكى جىل بۇرىن ا ي ت ۆ (ادامنىڭ يممۋن تاپشىلىعى ۆيرۋسى - اۆت.) شالدىققان ءبىر ادامدى ەمدەۋگە  2500 مىڭ ا ق ش دوللارى جۇمسالدى. سول كەزدە وزبەكستاندا - 250 دوللار، ال مالايزيادا 180 دوللار بولدى. ءيا، سوڭعى ەكى جىلدىڭ ىشىندە بىزدەگى باعا 800 دوللارعا تومەندەدى. دەگەنمەن، سونىڭ ءوزى كورشى ەلدەرمەن سالىستىرعاندا ءۇش- ءتورت ەسە قىمبات بولىپ تۇر»، - دەدى پروفەسسور قۇلجانوۆ بۇگىن استاناداعى ءدارى- دارمەكتەردى ءتيىمدى پايدالانۋ ماسەلەلەرىنە ارنالعان حالىقارالىق كونفەرەنسيادا.

 عالىمنىڭ ايتۋىنشا، ءدارى- دارمەكتەردىڭ باعاسىن تومەندەتۋدىڭ ارقاسىندا ەمدەۋ شارالارىمەن ناۋقاستاردى كوپتەپ قامتۋعا بولادى. ماسەلەن، بۇرىن ا ي ت ۆ شالدىققان ءبىر ادامعا 2500 دوللار جۇمسالسا، قازىر تۋرا وسى اقشاعا ءۇش ادامدى ەمدەۋگە مۇمكىندىك بار. «نەگىزى، دامۋشى مەملەكەتتەردە ءدارى- دارمەكتەردىڭ قىمباتشىلىعى انىق بايقالادى. ءتىپتى، دامىعان مەملەكەتتەرگە قاراعاندا قىمبات بولىپ تۇر. ال ساپاسى سىن كوتەرمەيدى. ونداي باعالار ەكونوميكاعا دا، حالىقتىڭ ءال- اۋقاتىنا دا سايكەس كەلمەيدى. وعان قوسا، جالعان ءدارى- دارمەكتەر از ەمەس»، - دەپ اتاپ كورسەتتى قۇلجانوۆ.

 اۆتور: ارمان اسقاروۆ