ەير استانا ۇشاقتارى اقىلى ينتەرنەتكە قوسىلادى

 الماتى. قازاقپارات - «ەير استانا» اۋە كومپانياسى ۇشاقتارىندا ينتەرنەت قوسىلاتىن بولدى، دەپ حابارلايدى قازاقپارات ءتىلشىسى.

جولاۋشىلار كەڭ جولاقتى عالامتورعا قول جەتكىزۋ ءۇشىن 1500-7500 تەڭگەگە دەيىن اقشا تولەيدى. اۋە كومپانياسىنىڭ كورپوراتيۆتى كوممۋنيكاتسيالار دەپارتامەنتىنىڭ حابارلاۋىنشا، «بوينگ-767» بورتىندا Inmarsat's Global Xpress (GX) Aviation جەلىسىمەن جۇمىس جاسايتىن Rockwell Collins كابينالىق جۇيەسى ورناتىلدى. جولاۋشىلار بورتتا پلانشەت، سمارتفون، كومپيۋتەر قولدانا الادى. اتاپ ايتقاندا، "ستارت" پاكەتى 15 م ب - 1500 ت گ، "بيزنەس" پاكەتى 50 م ب - 4500 ت گ، "سۋپەر" پاكەتى 100 م ب - 7500 ت گ بولماق. «كومپانيانىڭ باستى مىندەتتەرىنىڭ ءبىرى - جاڭا تەحنولوگيالاردى ەنگىزۋ، جەردە بولسىن، كوكتە بولسىن جولاۋشىلاردىڭ تالاپ- تىلەگىن ورىنداۋ» ، - دەدى كومپانيا وكىلى اندرەي گۋليەۆ.

 «GX Aviation - بۇل بورتتاعى كەڭ جولاقتى ينتەرنەت بايلانىسىن قامتاماسىز ەتەتىن بىرەگەي ءونىم. «ەير استانا» مۇنداي قىزمەتتى الەمدە كەڭ فيۋزەلياجدى ۇشاقتاردا ءبىرىنشى رەت ەنگىزىپ وتىر» ، - دەدى Inmarsat Aviation وكىلى فرەدەريك ۆان ەسسەن.

 

 اۆتور: گۇلميرا  عوسمانالي