قازاقستان ءال- اۋقات بويىنشا ت م د ەلدەرى رەيتينگىندە رەسەيدەن وزدى
زەرتتەۋشىلەردىڭ پايىمداۋىنشا، تۇتىنۋ دەڭگەيى بارلىق ەلدەردە جان-جاقتى قارالعان. بىرىنشىدەن، رەسمي ۆاليۋتا باعامى الىنعان، ەكىنشىدەن، ۇلتتىق ۆاليۋتانى ساتىپ الۋ مۇمكىندىگى دە ەسەپتەلگەن. ەكىنشى كورسەتكىش بويىنشا رەسەي ءال- اۋقاتى جاقسى ەلدەر ساناتى بويىنشا ۇپايىن جوعالتىپ، قازاقستانعا ورنىن بەرىپ وتىر.
بىلتىرعى جىلى ورتا كورسەتكىش بويىنشا قازاقستان ازاماتى تۇتىنۋ تاۋارلارىنا 13,8 مىڭ دوللار جۇمساسا، رەسەيلىكتەر بۇل ساناتتا 11,9 مىڭ دوللارعا عانا قول جەتكىزگەن. (بۇل جەردەگى دوللار تەك شارتتى تۇردە الىنىپ وتىر. سەبەبى تۇتىنۋ تاۋارلارى ءار ەلدىڭ ۇلتتىق ۆاليۋتاسىمەن ەسەپتەلگەن.)
دەگەنمەن تۇتىنۋعا قاجەت اۋدارىمداعى اقشا شىعىنى بويىنشا رەسەيلىكتەر كوش باستاپ تۇر. ورتاشا ەسەپپەن بىلتىرعى جىلى رەسەيلىكتەر 4,5 مىڭ دوللار اقشا جۇمساسا، قازاقستاندىقتار 4,1 مىڭ دوللار شىعىنداعان. سوعان قاراماستان زەرتتەۋشىلەر، الداعى ۋاقىتتا قازاقستان تاراپى بۇل كورسەتكىش بويىنشا دا كوش باستايتىنىن الدىن الا كەسىپ ايتۋدا.