گولوۆكين جانكۇيەرلەرىنە ارنايى سىي دايىنداپ قويدى

استانا. قازاقپارات - WBA، WBC، IBF پەن IBO تۇجىرىمدارى الەم چەمپيونى گەننادي گولوۆكين جۇزدەگەن بوكس قولعاپتارىنا ءوز قولتاڭباسىن قويىپ شىقتى.

 بۇنىڭ بارلىعى الداعى جەكپە- جەككە كەلەتىن VIP- جانكۇيەرلەرىنە تاراتىلادى، دەپ حابارلايدى قازاقپارات ءتىلشىسى. GGG- ءدىڭ قولتاڭباسى بار قولعاپتار ارنايى VIP پاكەتكە كىرەتىن بولادى. ونداي جيىنتىقتا لاس- ۆەگاس اۋەجايىنان قوناق ۇيگە دەيىنگى شىعىندار، سونداي- اق جاتىن ورىن بار.

 VIP- پاكەتتىڭ باعاسى ءبىر ادامعا 7,600 دوللاردى قۇراسا، ەكى ادامعا ونى 14,000 دوللارعا ساتىپ الۋعا بولادى. ايتا كەتەيىك، 16 - قىركۇيەك كۇنى گەننادي گولوۆكين مەكسيكالىق بوكسشى ساۋل الۆارەسپەن كەزدەسەدى. اتالعان جەكپە- جەك لاس- ۆەگاس قالاسىنداعى «T- Mobile» ارەناسىندا وتەدى. ۋاقىت ايىرماشىلىعىنا بايلانىستى قازاقستاندا تىكەلەي ەفير 17 قىركۇيەكتە تاڭەرتەڭ كورسەتىلەدى.

 

 اۆتور: ارمان اسقاروۆ