استانادا «قازاقپارات» ح ا ا يراننىڭ اقپارات اگەنتتىگىمەن مەموراندۋم بەكىتتى
مەموراندۋم اقپارات الماسۋ سالاسىنداعى كاسىبي ىنتىماقتاستىقتى نىعايتۋدى، دوستىق قارىم- قاتىناستار مەن بۇقارالىق اقپارات قۇرالدارى سالاسىنداعى جەمىستى ىنتىماقتاستىق ورناتۋدى كوزدەيدى.
«قازاقستان مەن يران اراسىندا ىنتىماقتاستىق جان- جاقتى دامىعانىمەن، اقپارات الماسۋدىڭ ازدىعى سەزىلەتىن. بۇگىنگى مەموراندۋم ەكى ەل اراسىنداعى ەكونوميكا، اۋىل شارۋاشىلىعى، ونەركاسىپ سەكىلدى ءبىرقاتار سالالاردىڭ دامۋىنا ىقپال ەتەدى. قازاق جەرىندە يراندىق وندىرۋشىلەردىڭ تاۋارىن، يران دۇكەندەرىندە قازاق ونىمدەرىن كورەتىن كۇن دە الىس ەمەس. ەكى ەل اراسىنداعى اقپاراتتىڭ مولدىعى تۋريزمنىڭ دامۋىنا دا سەپتىگىن تيگىزەدى. يران مەن قازاقستاننىڭ تۋريستىك ورىندارىنىڭ ءتۇرلى فوتوسۋرەتتەرى مەن بەينەروليكتەرى تۇرعىنداردىڭ قىزىعۋشىلىقتارىن ارتتىرارى ءسوزسىز»، - دەيدى ي ر ن ا باسشىسى.
ءوز كەزەگىندە، «قازاقپارات» ح ا ا باسشىسى ەكسپو كورمەسىنەن كەيىن قازاقستانعا شەتەلدىك ارىپتەستەردەن ۇسىنىستاردىڭ كوپتەپ ءتۇسىپ جاتقانىن باسا ايتىپ، ورتالىق ازياداعى ەڭ ءىرى اگەنتتىكتەردىڭ بىرىمەن كەلىسىم جاساۋدىڭ ماڭىزدىلىعىن جەتكىزدى.
«ي ر ن ا - ورتالىق ازيا، يران جانە اۋعانستان ايماقتارىنداعى ەڭ ءىرى اگەنتتىكتەردىڭ ءبىرى. سوندىقتان قازاقپارات ءۇشىن بۇگىنگى مەموراندۋمنىڭ ماڭىزى زور. ەكى ەل اراسىنداعى اقپاراتتىق سالاسىنداعى ارىپتەستىك قازاقستان مەن يراننىڭ مادەني بايلانىسىن نىعايتارى ءسوزسىز. بۇگىن يران اگەنتتىگىندە قازاقستاننىڭ دامۋى تۋرالى فوتورەپورتاج، ەكسپو تۋرالى اقپاراتتار جاريالانادى. ي ر ن ا - 10 تىلدە اقپارات تاراتاتىن، بىرنەشە مەرزىمدى باسىلىمدارى مەن ءوز مەكتەبى بار ۇلكەن اگەنتتىك. م. حودادي مىرزا تىلشىلەردى يرانعا شەبەرلىك سىنىبىنا شاقىرىپ وتىر. ودان دا وزگە ءبىرقاتار ماڭىزدى شارالاردى جوسپارلاپ وتىرمىز»، - دەيدى اسقار ۋماروۆ.
مەموراندۋمعا قول قويىلعان سوڭ، «قازاقپارات» حالىقارالىق اقپارات اگەنتتىگىنىڭ باس ديرەكتورى اسقار ۋماروۆ ي ر ن ا باسقارۋشى ديرەكتورى مۋحامماد حوداديدىڭ يىعىنا قازاقى سالتپەن شاپان جاپتى.
وقىرماندارعا تۇسىنىكتى بولۋ ءۇشىن ايتا كەتەيىك، ي ر ن ا ينتەرنەت- كەڭىستىكتە عانا جۇمىس ىستەمەيدى. ول جالپى ۇلتتىق «يران» گازەتى مەن وزگە دە مەرزىمدى باسىلىمداردى شىعارۋمەن اينالىسادى. ي ر ن ا- نىڭ يراندا 60 جانە الەم ەلدەرىندە - 30 كەڭسەسى بار.
قازاقپارات - حالىقارالىق دارەجەگە يە بولعان قازاقستانداعى العاشقى اقپارات اگەنتتىگى. قازاقپاراتتا وزگە وتاندىق اقپارات اگەنتتىكتەرىندە جوق تىلشىلەر جەلىسى بار. ەلدىڭ بارلىق ايماقتارىندا 15 تىلشىلەر پۋنكتى ورنالاسقان. ونىڭ ىشىنە بايقوڭىر دا كىرەدى. رەسەي، قىتاي، تۇركيا، ب ا ءا، بەلگيا، ازەربايجان، وزبەكستان، قىرعىزستان ەلدەرىندە مەنشىكتى تىلشىلەرى بار. بۇگىنگە دەيىن «قازاقپارات» ت ا س س (رەسەي)، «ازەرتادج» (ازەربايدجان)، «انادولۋ» (تۇركيا)، «بەلتا» (بەلارۋس) سىندى 22 اقپارات اگەنتتىكتەرىمەن مەموراندۋمعا قول قويعان ەدى. 2017 -جىلى «قازاقپارات» ح ا ا گەرمانيا، تۇرىكمەنستان، ب ا ءا، ق ح ر جانە ش ى ۇ حاتشىلىعىنىڭ اقپارات اگەنتتىكتەرىمەن مەموراندۋمگە قول قويدى.
اۆتور: ايجان سەرىكجان قىزى