ءيتتى قۇداي كورەتىن قىتايداعى مياۋ حالقى وعان ەرەكشە قۇرمەت كورسەتتى
14:20, 06 - قىركۇيەك 2017
استانا. قازاقپارات - قىتايدىڭ جياوبان اۋىلىنىڭ تۇرعىندارى يتكە باس كيىم مەن جەيدە كيگىزىپ، كوتەرىپ الىپ ءجۇردى.
وقيعا وتكەن دەمالىس كۇندەرى بولدى. مياۋ حالقىنىڭ وكىلدەرى جىل سايىن وسىنداي ءداستۇرلى شارا وتكىزەدى. اڭىز بويىنشا وسى جەردە تۇرعان ەجەلگى ادامدار شولدەن قازا بولار كەزدە ولارعا ءيت جول كورسەتىپ، بۇلاق باسىنا اپارعان.
سودان بەرى ولار مۇنى قۇدايدىڭ قۇدىرەتىنە بالاپ، يتكە سىيىنىپ كەلەدى.
جىل سايىن اۋىلدا تۇرعىندار يتكە كيىم كيگىزىپ، كوتەرىپ الىپ جۇرەدى. شەرۋدى شامان باستايدى. قالعاندارى ءان ايتىپ، داۋىلپاز سوعادى. اۋىل تۇرعىندارى كوشەگە شىعىپ، جان- جانۋارلارعا العىس ايتىپ، كەلەر جىلعى استىقتىڭ بىتىك شىعۋىن سۇراپ جالبارىنادى.
مياۋ حالقى 11 ميلليون ادام. ولار قىتايدىڭ وڭتۇستىگى مەن ۆەتنامدا، لاوستا، تايلاند پەن مانمادا تۇرادى.