استانانىڭ ماڭايىندا الىپ جىلىجاي سالىنادى

استانا. قازاقپارات - اتالعان جوبانى پولشانىڭ كاسىپكەرلەرى ىسكە اسىرۋعا بەل بايلاپ وتىر.

ونىڭ جالپى قۇنى - 25 ميلليون ەۋرو. ال اۋدانى 28 گەكتاردى قۇرايدى، دەپ حابارلايدى قازاقپارات ءتىلشىسى.

«نەگىزى، كەلىسىم بار. وعان قول قويىلعان. بيىل ءبىز جۇمىستاردى باستايىن دەپ وتىرمىز. ويتكەنى بارلىق راسىمدەۋ شارالارىنان ءوتۋ كەرەك. سونىڭ ءبارىن قازان ايىنا دەيىن اياقتاساق، تاماشا بولاتىن ەدى. الىپ جىلىجايدا قىزاناق، قيار مەن اسكوك وسىرىلەدى. ءسويتىپ، استانالىقتار تابيعي ونىممەن قامتاماسىز ەتىلەدى. مىسالى، 28 گەكتار ول - 280 شارشى مەتر. پولشانىڭ تاجىريبەسى نەگىزىندە ءاربىر شارشى مەتردەن 60 كەلى قىزاناق الاتىن بولامىز»، - دەدى قازاقستان- پولشا ساۋدا ونەركاسىپ پالاتاسىنىڭ ۆيتسە-پرەزيدەنتى تادەۋش نامەدينسكي جۋرناليستەرگە بەرگەن سۇحباتىندا.

ايتا كەتەيىك، قازاقستان مەن پولشا ىنتىماقتاستىعى اياسىندا ەكىباستۇز قالاسىندا جاڭا وقۋ ورنىن اشۋ جوسپارلانىپ وتىر.

اۆتور: ارمان اسقاروۆ