جاس قىزدارمەن كوڭىل جاراستىرعان قازاقستاندىق جۇلدىزدار كىمدەر - فوتو

استانا. قازاقپارات - ەلىمىزدەگى تانىمال جانداردىڭ اراسىندا جاس قىزدارمەن كوڭىل قوسقان اكتەرلار مەن انشىلەر قاتارى از ەمەس. ولار ماحابباتتىڭ جاس تالعامايتىنىن ايتۋدا.

NUR. KZ پورتالى جاس قىزدارمەن كوڭىل جاراستىرعان وتاندىق جۇلدىزدار توپتاماسىن ۇسىنادى.

اسانالى ءاشىموۆ پەن جارى باعدات (جاس ايىرماشىلىعى - 33 جاس)

ەكى بالاسى مەن جارى ومىردەن وزىپ، بۇل دۇنيەدە ءوزىن جالعىز سەزىنگەن ءاسانالى وزىنەن 33 جاس كىشى كەلىنشەكتى ەكىنشى جارى ەتىپ تاڭداپ الدى. ول ودان كوڭىل جۇبانىشىن تاۋىپ، ءومىرىنىڭ جالعاسى اسانالى ەسىمدى پەرزەنت ءسۇيدى. بۇگىندە اسانالى ءاشىموۆ پەن باعدات باقىتتى عۇمىر كەشۋدە. باعداتتىڭ ايتۋىنشا، ول جارى اسانالىنىڭ قۇلازىعان كوڭىلىن جادىراتۋ ءۇشىن وعان تۇرمىسقا شىققان.

دوسحان جولجاقسىنوۆ پەن قاراگوز سۇلەيمەنوۆا (جاس ايىرماشىلىعى- 16 جاس)

دوسحان مەن قاراگوزدىڭ تانىستىعى «دياگنوز» كينو ءتۇسىرىلىمى الاڭىندا باستالعان. قاراگوز وندا رەجيسسەردىڭ كومەكشىسى بولعان. بۇگىندە جۇبايلار ءۇش بالا تاربيەلەپ وتىر.

تۇڭعىشباي جامانقۇلوۆ پەن داريا ءجۇسىپ (جاس ايىرماشىلىعى- 24 جاس)

تۇڭعىشباي جامانقۇلوۆ داريانىڭ ونەر اكادەمياسىنداعى ۇستازى بولعان. ەكەۋى العاش شاكىرت پەن ۇستاز بولىپ ارالاسىپ، كەيىننەن ومىردەگى سەرىك، ونەردەگى ارىپتەستەر بولىپ كەتكەن.

التىنبەك قورازبايەۆ پەن ساندۋعاش ستامعازيەۆا (جاس ايىرماشىلىعى - 30 جاس)

ەلىمىزدىڭ تانىمال كومپوزيتورى التىنبەك قورازبايەۆ وزىنەن 30 جاس كىشى شاكىرتى ساندۋعاشقا ۇيلەنەدى. ەل اراسىندا ساندۋعاش التىنبەكتىڭ ەكىنشى جارى دەگەن ءسوز بار. بۇگىندە ساندۋعاش اياۋلى جار، ۇلگىلى وتاناسىنا اينالعان.

باۋىرجان اليباسوۆ پەن ۆيكتوريا ماكسيموۆا (جاس ايىرماشىلىعى - 40 جاس)

تانىمال پروديۋسەر ءوزىنىڭ التىنشى ايەلى رەتىندە 25 جاستاعى قىزدى تاڭداپتى. ءبىراق باريدىڭ بۇل تاڭداۋىنا ونىڭ ۇلى قارسى بولىپ، 25 جاستاعى كەلىنشەكتى «ارسىز» دەپ اتادى. بۇگىندە كەلىنشەك باريعا ۇل تاۋىپ بەردى.

قىدىرالى بولمانوۆ پەن قاراقات ءابىلدينا (جاس ايىرماشىلىعى - 14 جاس)

ەكىنشى رەت وتاۋ قۇرعان قىدىرالى بولمانوۆ وزىنەن 14 جاس كىشى قاراقاتپەن شاڭىراق كوتەرگەن. بۇگىندە جۇبايلار ءتورت ۇل، ءبىر قىز تاربيەلەپ وتىر.

ەركىن نۇرجانوۆ پەن دينارا نۇرجانوۆا (جاس ايىرماشىلىعى - 14 جاس)

ءبىرىنشى جارى اياگوزبەن ايىرىلىسىپ كەتكەن ەركىن نۇرجانوۆ ەكىنشى رەت وزىنەن 14 جاس كىشى قىزعا ۇيلەندى.

اسحات تارعىن مەن جارى ءاليا (جاس ايىرماشىلىعى - 12 جاس)

اسحات وقۋىن بىلتىر عانا بىتىرگەن 23 جاستاعى ءاليا ەسىمدى بويجەتكەنمەن ەكىنشى رەت شاڭىراق كوتەردى. اسحات تويدا ءان سالىپ ءجۇرىپ سۇيىكتىسىن سول جەردە جولىقتىرعانىن ايتۋدا.