قازاقستاننىڭ ءتورت وبلىسىندا جەل كۇشەيەدى

استانا. قازاقپارات - قازاقستاننىڭ ءتورت وبلىسىندا جەلدىڭ كۇشەيۋىنە بايلانىستى ەسكەرتۋ جاريالاندى، دەپ حابارلايدى قازگيدرومەت.

6 -قىركۇيەكتە تاۋلىك بويى قوستاناي وبلىسىنىڭ كەي جەرلەرىندە نايزاعايلى جاۋىن، جەل 15-20 م/س كۇتىلەدى.

6 -قىركۇيەكتە تاۋلىك بويى وڭتۇستىك قازاقستان وبلىستىڭ كەي جەرلەرىندە نايزاعاي، بۇرشاق، قاتتى داۋىل بولۋى ىقتيمال، وڭتۇستىك باتىستان 15-20، ەكپىنى 25 م/س جەل كۇتىلەدى.

6-7 -قىركۇيەك كۇندەرى جامبىل وبلىسىندا كەي جەرلەردە نايزاعاي، بۇرشاق جاۋۋى، داۋىل بولۋى ىقتيمال. وڭتۇستىك باتىستان جەل سوعادى، كەي جەرلەردە 15-20، 6 -قىركۇيەكتە كۇندىز، 7 -قىركۇيەكتە تۇندە ەكپىنى 23-28 م/س كۇشەيۋى كۇتىلەدى.

6 -قىركۇيەكتە سولتۇستىك قازاقستان وبلىسى كەي جەرلەردە نايزاعاي، بۇرشاق جاۋۋى، داۋىل بولۋى مۇمكىن. جەل سولتۇستىك- شىعىستان، سولتۇستىكتەن جەل سوعادى، كۇشى 15-20، كەي جەرلەردە ەكپىنى 23-28 م/س كۇتىلەدى.

سونداي-اق، پەتروپاۆل قالاسىندا 6 -قىركۇيەكتە نايزاعاي، بۇرشاق كۇتىلەدى. جەل سولتۇستىك شىعىستان، سولتۇستىكتەن جەل سوعادى، جەلدىڭ ەكپىنى 15-20 م/س- گە جەتۋى ىقتيمال.