تاتارستاندا تۇركى الەمىنىڭ اعاش شەبەرلەرى باس قوسادى
شارانى ت ر ع ا ع. يبراگيموۆ اتىنداعى ءتىل، ادەبيەت جانە ونەر ينستيتۋتى مەن ونەر تانۋشىلار قاۋىمداستىعىنىڭ تاتار ءبولىمى (تات ا ي س) ۇيىمداستىرادى.
سيمپوزيۋم تۇركى حالىقتارىنىڭ ماتەريالدى جانە رۋحاني مۇراسىن ناسيحاتتاۋ جانە دامىتۋ ماقساتىندا ع. يبراگيموۆ اتىنداعى ءتىل، ادەبيەت جانە ونەر ينستيتۋتى 2008 -جىلدان بەرى جۇرگىزىپ كەلە جاتقان «تۇركى الەمىنىڭ ونەرى» تسيكلدىق جوباسى شەڭبەرىندە وتكىزىلەدى.
حالىقارالىق ءىس-شارا 2 كۇنگە جوسپارلانعان. ءبىرىنشى كۇنى عىلىمي- پراكتيكالىق كونفەرەنسيا وتسە، ەكىنشى كۇنى قاتىسۋشىلار سۋرەتشىلەر مەن ەرىكتىلەرگە ارنالعان شەبەرلىك ساباقتارىنا قاتىسىپ، اعاش جونۋدىڭ زاماناۋي ۇردىستەرىنە ارنالعان كورمە جۇمىسىمەن تانىسا الادى.
سيمپوزيۋم جۇمىسى نەگىزىنەن اعاش شەبەرلەرىنىڭ داستۇرلەرى مەن بۇگىنگى دامۋى، كورمە ءىسىنىڭ مەنەدجمەنتى مەن PR- تەحنولوگيالارى، مۋزەي كوللەكتسيالارىنىڭ اناليزى جانە ەتنوتۋريزم ماسەلەلەرى باعىتىندا جۇرەدى دەپ جوسپارلانۋدا.
اتالعان جيىن تۋرالى تولىعىراق مىنا سىلتەمەدەن بىلۋگە بولادى.