ال قىزىلوردا وبلىسىندا فەستيۆال اياسىندا اپتالىق ۇيىمداستىرىلادى. بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا جاستار دەنساۋلىق ورتالىعىنىڭ باس دارىگەرى جانار قالماقوۆا مالىمدەدى، دەپ حابارلايدى قازاقپارات ءتىلشىسى.
اپتالىق اياسىندا 4-9 -قىركۇيەك كۇندەرى ەمحانالاردا «اشىق ەسىك» كۇنى وتەدى. سونداي-اق، فەستيۆال بارىسىندا كوپشىلىك ءتۇرلى سپورتتىق سايىستارعا قاتىسا الادى. قازىر وقۋ ورىندارى مەن مەكتەپتەردە «دەنساۋلىق» ساباعى وتۋدە.
«بيىل العاش رەت مۇمكىندىگى شەكتەۋلى جاندار دا فەستيۆالگە قاتىستىرىلدى. ولاردىڭ اراسىندا شىعارماشىلىق بايقاۋلار وتكىزىلۋدە. 7 -قىركۇيەكتە سايىس جەڭىمپازدارىن انىقتايمىز»، - دەدى جانار قالماقوۆا.
ايتا كەتەيىك، 9 -قىركۇيەك كۇنى رەسپۋبليكا بويىنشا ءبىر مەزگىلدە «دەنساۋلىققا 10 مىڭ قادام» شاراسى وتەدى. قىزىلوردا وبلىسىندا مارافونشىلار «دوستىق ءۇيى» الدىنان ورتالىق الاڭعا دەيىن جۇگىرەدى. ورتالىق الاڭدا تۇرعىندارعا ارناپ 3 شاتىر ورنالاستىرىلادى. وندا دەنساۋلىققا پايدالى تاعامدار، جەمىس- جيدەكتەر، ءدارى- دارمەكتەر مەن پايدالى ونىمدەردىڭ جارمەڭكەسى وتەدى. جاستاردىڭ زاماناۋي بيلەرىنىڭ كونتسەرتى بولادى. بالالار ءۇشىن ويىن الاڭدارى جۇمىس جاسايدى.
«نۇر وتان» پارتياسى وبلىستىق فيليالى ءتوراعاسىنىڭ ورىنباسارى ادىلبەك ەرسۇلتانوۆ: «سپورت پەن دەنساۋلىقتى ءبولىپ قاراۋعا بولمايدى. ادامزات ءۇشىن ەكەۋىنىڭ دە قۇندىلىعى جوعارى. سوندىقتان، وبلىس تۇرعىندارىن فەستيۆالگە قاتىسۋعا شاقىرامىز»، - دەپ اتاپ ءوتتى.
فەستيۆال جەڭىمپازدارىنا باعالى سىيلىقتار تابىس ەتىلەدى.