The Beatles توبىنىڭ مۇشەسى پول ماككارتني «Yesterday» ءانىن العاش تۇسىندە ەستىگەنىن ايتادى.
سيىر، جىلقى، ءپىل سەكىلدى كەي جانۋارلار تىزەسىنىڭ جاراتىلىسىنا بايلانىستى تۇرعان ورنىندا ۇيىقتاي الادى. ال قوقيقازدىڭ (فلامينگو) قىلىعى ءتىپتى تاڭعالدىرادى، ول ءبىر اياعىمەن تۇرىپ تا ۇيىقتاي الادى. بۇل جانۋارلار تەك ءوزىن تولىقتاي قاۋىپسىز سەزىنگەن جاعدايدا عانا جاتىپ ۇيىقتاي الادى.
ءبىرىنشى دۇنيەجۇزىلىك سوعىس كەزىندە تۋرا شەكەسىنە وق تيگەن ۆەنگەر ساربازى ءولىم اۋزىنان قالادى. ءبىراق سول كۇيى ەش دۇرىس ۇيىقتاي المايتىن بولىپ قالدى. سوعان قاراماستان ءوزىن جاقسى سەزىنىپ، ارى قاراي 40 جىل ءومىر سۇرگەن ەكەن. قۇلاعى ەستىمەيتىن ادامدار تۇسىندە دە ىم تىلىمەن سويلەسىپ جۇرەدى، كوزى كورمەيتىن ادامدار دا ءتۇس كورەدى، ءبىراق ەشتەڭە كوزگە كورىنبەيدى، ومىردەگىدەي. ولاردىڭ ءتۇسى دەنساۋلىعىندا اقاۋ جوق ادامداردان ەش ايىرماشىلىعى بولمايدى.
قارا قارلىعاشتار، لايلەكتەر، ءبىزتۇمسىق شاعالالار ۇشىپ كەلە جاتقاندا شارشاپ قالسا اۋادا قالىقتاپ كەلە جاتىپ 10 مينۋت ۇيىقتاپ الادى.
2011 -جىلى لوندوندا «بەسىك جىرى» قويىلىمى بولدى. كورەرمەندەر كەرەۋەتكە ورنالاسقاندا ۇيقىعا كەتتى. اكتەرلەردىڭ دە ماقساتى ولارعا تىنىش ۇيقى سىيلاۋ ەدى. ولار تاڭەرتەڭ ويانعاندا بيلەت باعاسىنا تاتيتىن تاڭعى اسپەن تاماقتاندىردى.
دەلفيندەر مەن كيتتەردىڭ سول جاق جانە وڭ جاق جارتى شارىنداعى مي كەزەكتەسىپ ۇيىقتايدى. ول جانۋار ۇيىقتاپ جاتقاندا دا دەم الۋى ءۇشىن قاجەت.
اتاقتى سۋرەتشى سالۆادور دالي ۇستەلدە سۋرەت سالىپ وتىرعان جەرىندە قولىندا اۋىر كىلتتى ۇستاپ وتىرعان كۇيى ءجيى قالعىپ كەتەدى ەكەن. قولىندا ۇستاعان كىلتى جەرگە ءتۇسىپ كەتكەندە، سونىڭ داۋىسىنان ويانادى. وسى ويانعاننان كەيىن سۋرەتتى ارى قاراي قالاي جالعاستىرۋدىڭ شەشىمىن وڭاي تاباتىن كورىنەدى.
ادام ويانعاننان 5 مينۋتتان كەيىن ءتۇسىنىڭ جارتىسىن، ال 10 مينۋتتان كەيىن نەبارى 10 پايىزىن عانا ەسكە تۇسىرە الادى.
16 ساعات ۇيقىسىز جۇرگەننەن كەيىن ادام جۇمىسقا قابىلەتتىلىن جوعالتا باستايدى.
تاۋلىگىنە 8 ساعاتتان كەم ۇيىقتاعان ادام تاماقساۋلىققا، ماي باسۋعا بەيىم بولادى.
ادام تۇسىندە كورگەن ادامىن تانىمايتىن بولسا، دەمەك ونى وڭىندە ءبىر رەت بولسا دا كورگەنىنىڭ بەلگىسى. ادام كوبىنە ۇيقىعا جاتقاننان كەيىن شامامەن جارتى ساعاتتان سوڭ ءتۇس كورە باستايدى.
Massaget.kz