ساكەن مايعازيەۆ: باتىر ەل ەكەنىمىزگە ەش ۇلتتىڭ كۇمانى جوق شىعار

استانا. قازاقپارات - ساكەن مايعازيەۆ قازاقستاندىقتاردى ۇلت- ارالىق قاقتىعىس تۋدىرماۋعا شاقىردى.

2 - قىركۇيەك كۇنى كەشكى 21:00 شاماسىندا كۇزەت كومپانياسى قىزمەتكەرىمەن ءۇندىستاندىق جۇمىسشى اراسىندا تۇرمىستىق ەرەگەس بولىپ، سوڭى جاپپاي توبەلەسكە ۇلاسقان بولاتىن. جاپپاي قاقتىعىسقا 30 ادام قاتىسقان دەپ ايتىلۋدا. كەيىنىرەك پوليتسيا 8 ازاماتقا قاتىستى ءىس قوزعالىپ، اكىمشىلىك حاتتاما تولتىرىلعانىن حابارلادى.

وسىدان كەيىن قازاقستاندىقتار الەۋمەتتىك جەلى ارقىلى كەز كەلگەن ءۇندىستى جازالايتىندارىن جارىسا جازعان- دى. بۇل وقيعاعا قاتىستى ساكەن مايعازيەۆ پىكىر ءبىلدىرىپ، جۇرتتى ۇلت- ارالىق قاقتىعىس تۋدىرماۋعا شاقىردى.

«اسا قۇرمەتتى قىزۋ قاندى، قازاعىم! ءيا، «مالىم جانىمنىڭ، جانىم ارىمنىڭ ساداقاسى» دەگەن قاسيەتتى حالىقپىز. دەر كەزىندە جۇمىلىپ جۇدىرىق بولا بىلەتىن باتىر ەل ەكەنىمىزگە ەش ۇلتتىڭ كۇمانى جوق شىعار. الەۋمەتتىك جەلىلەردەگى «ۇندىستەردى كوشەدەن كورسەك سابايمىز»، «جۇما نامازعا كەلەتىن ۇندىستەردى دە «سىندىرۋ» كەرەك» دەگەن جاڭساق پىكىرلەردى كوزىمىز شالىپ ءجۇر. سابىرعا كەلەيىك. ادامنىڭ جامانى بولسا دا، ۇلتتىڭ جامانى بولمايدى. اتام قازاق ايتپاپ پا ەدى، «بيەدەن الا دا، قۇلا دا تۋادى» دەپ. ءبىر ماسكۇنەم ءۇندىس ءۇشىن ۇلتارالىق شيەلەنىسكە شىرمالماۋعا شاقىرامىن. ءبىزدىڭ دە قانداستارىمىزدىڭ تورتكۇل دۇنيەنىڭ تورىندە «تايراڭداپ» جۇرگەنىن ەستەن شىعارمايىق. دانا حالىق ەكەندگىمىزدى تاعى ءبىر مارتە دالەلدەيىك. قۇشاقتادىم!» - دەيدى ساكەن مايعازيەۆ.