قورعاستا ادام ولتىرگەن كۇدىكتى جانجالدىڭ نەدەن شىققانىن ايتتى

تالدىقورعان. قازاقپارات - الماتى وبلىسى «قورعاس» شى ح و اۋماعىنداعى ادام ولىمىنە بايلانىستى سوت پروتسەسى جالعاسۋدا.

كۇدىكتى دياس كارىپجانوۆ جانجالدىڭ نەدەن شىققانىن ءوزى بايانداپ بەردى، دەپ حابارلايدى قازاقپارات ءتىلشىسى.

كۇدىكتىنىڭ سوزىنشە، ول مارقۇم بولعان قۋانىش تولەگەنوۆتەن بىرنەشە مارتە قىسىم كورگەن. 4-5 رەت اقشا تالاپ ەتكەن جانە دياس اقشاسىن اپارىپ بەرىپ وتىرعان ەكەن. ءتىپتى قۋانىش ودان «ايفون 5s»  ۇيالى تەلەفونىن ءوزىنىڭ اناسىنا سىيلايمىن دەپ الىپ العان. سونداي-اق سوت پروتسەسىندە ايىپتالۋشى 4 -ماۋسىمدا بولعان جانجالدىڭ نە سەبەپتەن شىققانىن ايتتى.

«ماعان: «ءسوز تۇسىنبەيسىڭ بە»، - دەدى قۋانىش. نە بولىپ قالدى «براتان» دەپ ەدىم، ول تۇردى دا ايتتى: «مەن ساعان ايتتىم عوي، ايداعا ىربىڭداما دەپ». سوسىن مەن وعان: «مەن وعان ىربىڭداعان جوقپىن، ءبىلىپ الساڭشى» دەپ ەدىم، ىشىمنەن ەكى-ءۇش رەت ۇردى. قولىنان ۇستاپ الىپ، جىبەرمەي قويىپ ەدىم، ول دا دولدانىپ كەتتى مە، قولىمنان جەتەكتەپ، دالاعا شىعاردى»، دەيدى كۇدىكتى سوتتا بەرگەن جاۋابىندا.

 

سونداي-اق، دياس ارتىنشا قۋانىش جانە تاعى ءبىر جىگىت ءوزىن جابىلىپ ۇرعانىن ايتتى. ول سول ساتتە ەسەڭگىرەپ قالعانىن جەتكىزدى. ال قۋانىشتىڭ جۇرەك تۇسىنا پىشاقتى قالاي تىعىپ العانىن تۇسىنبەي قالعانىن ايتادى. كۇدىكتىنىڭ سوزىنشە، ونىڭ شاعىن سومكەسىندە ىلعي دا پىشاق جۇرەدى ەكەن. سەبەبى، جۇكتەردى ارى-بەرى تاسىمالداعاندا پىشاق جىپتەردى «كەسۋ ءۇشىن» كەرەك بولاتىن كورىنەدى. ءتىپتى سول كۇنى قايتىس بولعان قۋانىشتىڭ دا سومكەسىندە پىشاقتىڭ بولعانىن پروكۋرور سوت پروتسەسسىندە ايتتى. پروتسەسس بارىسىندا «قورعاس» شى ح و باقىلاۋشىسى بولىپ قىزمەت ىستەيتىن ايدا دا كەلدى. ول ءوز سوزىندە دياسپەن سوزگە كەلىسپەگەن جاعدايدىڭ بولعانىن ايتتى. سەبەبى، دياس ءبىر مارتە وتەتىن جەردەن بىرنەشە مارتە ءوتىپ، قىزمەتكەرلەردەن ەسكەرتۋ العانعا ۇقسايدى. ءبىراق، ايدا بۇل جايلى قۋانىشقا ايتپاعانىن جەتكىزدى. ءىستىڭ وسىنشاما ناسىرعا شابۋىنا نە سەبەپ بولعانىن بىلمەيتىنىن ءتۇسىندىردى. اتالعان ءىس الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالۋدا.

ەستەرىڭىزگە سالا كەتەيىك، بيىل ماۋسىمنىڭ تورتىندە بولعان قاندى وقيعاعا بايلانىستى پانفيلوۆ اۋدانىنىڭ تۇرعىنى د. كارىپجانوۆ ايىپتالىپ وتىر. 22 جاستاعى كۇدىكتى ق ر ق ك 99-بابى 1-تارماعى، ياعني «ادام ءولتىرۋ» فاكتىسى بويىنشا ايىپتالۋدا. ول ءوزىنىڭ تانىسى ق. تولەگەنوۆپەن ءوزارا سوزگە كەلىسپەي، ونىڭ كەۋدە تۇسىنا پىشاق سۇعىپ العان. 25 جاستاعى ازامات العان جاراقاتىنان كەيىن جاركەنتتەگى اۋرۋحاناعا جەتپەستەن كوز جۇمدى. قاندى وقيعا الماتى وبلىسىنداعى «قورعاس» شەكارا ماڭى ىنتىماقتاستىق حالىقارالىق ورتالىعىنىڭ اۋماعىندا بولدى. ادام ءولتىرۋ وقيعاسى بەينەباقىلاۋ كامەراسىنا ءتۇسىپ قالعان بولاتىن.