ق ر اۋىر اتلەتيكا فەدەراتسياسى رەسەيلىكتەردىڭ كومانداعا الىناتىنى تۋرالى اقپاراتتى جوققا شىعاردى
ق ر اۋىر اتلەتيكا فەدەراتسياسى باسپا ءسوز قىزمەتىنىڭ مالىمەتىنشە، رەسەي سپورتشىلارىن قازاقستان ۇلتتىق قۇراما كومانداسىنا الۋعا قاتىستى اقپارات شىندىققا جاناسپايدى.
«قازاقستان اۋىر اتلەتيكا فەدەراتسياسىنىڭ قازاقستان قۇراماسىنا لەگيونەرلەر تارتۋ تۋرالى جوسپارى جوق جانە بولعان دا ەمەس. فەدەراتسيا مەن اتالعان سپورتشىلار اراسىندا قانداي دا ءبىر كەلىسسوزدەر جۇرگەن جوق، ءبىزدىڭ تاراپىمىزدان ەشقانداي شاقىرتۋلار بولعان جوق جانە اتالعان اتلەتتەرگە ەشقانداي قارجىلاي كومەك جاسالمايدى. قازاقستان جانە رەسەي اراسىندا ۆيزاسىز ءتارتىپ ورناتىلعانى بارىنە بەلگىلى، سول سەبەپتى رەسەي ازاماتتارىنىڭ ءبىزدىڭ رەسپۋبليكامىزدىڭ اۋماعىندا بولعاندىعىندا تۇرعان ەشتەڭە جوق»، - دەدى ق ر اۋىر اتلەتيكا فەدەراتسياسىنىڭ باس حاتشىسى ومار مۇستافين.
ايتا كەتەيىك، ءبىرقاتار ب ا ق- تا 2015-جىلعى ەۋروپا چەمپيوناتىنىڭ جۇلدەگەرى نادەجدا ليحاچيەۆا، 2017-جىلعى رەسەي جاس وسپىرىمدەر بىرىنشىلىگىنىڭ جەڭىمپازى ماريا اندرەيەۆا، 2014-جىلعى جاس وسپىرىمدەر اراسىنداعى ەۋروپا چەمپيونى دەنيس كەحتەر جانە 2014-جىلعى جاس وسپىرىمدەر اراسىنداعى الەم چەمپيوناتىنىڭ جەڭىمپازى لاريسا كوبەليەۆا جاتتىقتىرۋشىلارى نازيپ شيگاپوۆپەن جىل باسىندا قازاقستانعا كوشىپ كەلىپ، ازاماتتىق الۋعا ءوتىنىش بىلدىرگەن دەپ حابارلاعان بولاتىن.
قازىر ولاردىڭ تەكەلى قالاسىندا (الماتى وبلىسى) وقۋ-جاتتىعۋ جيىندارىن وتكىزىپ جاتقاندىعى ايتىلعان ەدى.