يسلام ىنتىماقتاستىق ۇيىمىنىڭ سامميتىن وتكىزۋ كەزىندە استانانىڭ ءبىرقاتار كوشەلەرى جابىلادى
رەسمي دەلەگاتسيانىڭ قاۋىپسىزدىگىن قامتاماسىز ەتۋ ماقساتىندا ەلوردانىڭ ءبىرقاتار كولىك ماگيسترالىندە قوزعالىسقا ءىشىنارا شەكتەۋ قويىلادى.
قابانباي باتىر داڭعىلى، ماڭگىلىك ەل كوشەسى، قونايەۆ كوشەسى، دوستىق كوشەسى، تۇران داڭعىلى، سارى ارقا داڭعىلى، اباي داڭعىلى، كەنەسارى كوشەسى مەن تاۋەلسىزدىك داڭعىلى، ۇلى دالا كوشەسىندە كولىك قوزعالىسىنا ۋاقىتشا شەكتەۋ قويىلادى.
قالالىق كوشەلەردىڭ جۇكتەمەسىن ەسكەرە كەلە جانە قالا جولدارىندا كەپتەلىس جاعدايلارىنا تاپ بولماس ءۇشىن قالا بيلىگى ەلوردا تۇرعىندارى مەن قوناقتارىنا ءجۇرۋ مارشرۋتتارىن الدىن الا جوسپارلاپ الۋعا كەڭەس بەرەدى.
ەستەرىڭىزگە سالا كەتەيىك، ي ى ۇ سامميتىن ۇيىمداستىرۋ ەلباسى نۇرسۇلتان نازاربايەۆتىڭ باستاماسى. مەملەكەت باسشىسى بۇنى 2016 -جىلدىڭ ءساۋىر ايىندا ىستانبۇلدا وتكەن ي ى ۇ XIII سامميتىندە ايتقان بولاتىن.
استانالىق يىۇ سامميتىنە بارلىق مەملەكەتتەر- ي ى ۇ مۇشەلەرى، اتاپ ايتقاندا 35 ەل، باقىلاۋشى- مەملەكەتتەر جانە وزگە دە ءبىرقاتار حالىقارالىق جانە وڭىرلىك ۇيىمداردىڭ وكىلدەرى شاقىرىلدى.
10 -قىركۇيەكتە ءسامميتتىڭ قاتىسۋشىلارى استانا ەكسپو-2017 كورمەسىنىڭ جابىلۋ سالتاناتىنا قاتىسادى دەپ كۇتىلۋدە.
ايتا كەتەيىك، قازاقستان 1995 -جىلدان باستاپ ي ى ۇ- نا مۇشەلىك ەتەدى. قازاقستان 2011-2012 ج ج. ي ى ۇ س ى م ك- نىڭ 38 -سەسسياسىنا ءتوراعالىق ەتتى. ونىڭ بارىسىندا شتاب- پاتەرى استانادا ورنالاساتىن ازىق- تۇلىكتىك قاۋىپسىزدىگى بويىنشا يسلام ۇيىمىن قۇرۋعا ۇسىنىس ءبىلدىرىلدى.