التى ەلدىڭ مۋاي تايشىلارى اتىراۋدا كۇش سىناستى
08:48, 05 - قىركۇيەك 2017
استانا. قازاقپارات - اتىراۋدا بەلگىلى قازاقستاندىق عالىم امەن امانقۇلوۆتى ەسكە الۋعا ارنالعان مۋاي تايدان حالىقارالىق تۋرنير ءوتتى.
تۋرنير بارىسىندا قازاقستاننىڭ قۇراما كومانداسى تايلاند، برازيليا، وڭتۇستىك افريكا، رەسەي جانە اۆستراليادان كەلگەن سپورتشىلارمەن سىنعا ءتۇستى، دەپ حابارلادى اتىراۋ وبلىسى وڭىرلىك كوممۋنيكاتسيالار قىزمەتىنەن.
«قالادا مۋاي تايدان تۋرنير سوڭعى رەت 1999-جىلى بولعان. ءبىز تاي بوكسىنا سەرپىن بەرۋدى ۇيعاردىق. اتالعان سپورت ءتۇرىن دامىتۋ مەن ناسيحاتتاۋ ءۇشىن وسىنداي شارالار ماڭىزعا يە. اتىراۋ مۋاي تاي فەدەراتسياسىنىڭ ەلىمىزدەگى ورنى ەرەكشە»، - دەيدى وبلىستىق دەنە تاربيەسى جانە سپورت باسقارماسىنىڭ باسشىسى ازامات بەكەت.
توعىز جەكپە-جەكتىڭ سەگىزىندە ءبىزدىڭ سپورتشىلارىمىز جەڭىسكە جەتىپ، مۋاي تايدىڭ قازاقستاندىق مەكتەبى الەمدەگى ەڭ مىقتىلاردىڭ قاتارىندا ەكەنىن كورسەتتى.