شەشەنستاندا ءبىر ميلليون ادام ميانماداعى قىرعىنعا قارسى ميتينگكە شىقتى
ۆەدومستۆوداعىلار ميتينگتىڭ ويداعىداي وتكەنىن مالىمدەدى. قوعامدىق ءتارتاىپ بۇزىلعان جوق. پوليسەيلەردىڭ ۇستىنەن دە ەشكىم شاعىمدانباعان.
اكسيا «ميانماداعى مۇسىلماندار گەنوتسيدىنە جول جوق» ۇرانىمەن ءوتتى. ميتينگ كەزىندە شەشەنستان باسشىسى رامزان قادىروۆ تا ءسوز سويلەدى.
«بۇگىن مەن جانە ونداعان ەلدىڭ ميلليونداعان تۇرعىنى الەمدىك دەرجاۆا ليدەرلەرىنەن قانتوگىستى تەز ارادا توقتاتۋدى تالاپ ەتەمىز. كىنالىلەردىڭ جازالانىپ، ادامدىققا جاتپايتىن قىلمىستىڭ حالىقارالىق دەڭگەيدە تەرگەلگەنىن تالاپ ەتەمىز» ، - دەپ مالىمدەدى رەسپۋبليكا باسشىسى.
3 - قىركۇيەك كۇنى ميانمانىڭ ماسكەۋدەگى ەلشىلىگىنىڭ ماڭىنا دا جۇزدەگەن ادام جينالدى. ولار ءوز ەلىندە قۋدالاۋعا ۇشىراعان مۇسىلمان روحيندجالاردى قولداۋ ماقساتىندا ميتينگ ۇيىمداستىردى. كۇش قۇرىلىمى قىزمەتكەرلەرى بۇل جاعدايعا ەش ارالاسقان جوق، الايدا ەلشىلىك اۋماعىندا كۇزەتتى كۇشەيتتى.
ايتا كەتسەك، شەشەنستاندا 1,4 ميلليون ادام تۇرادى، ونىڭ 1,2 ميلليونى - شەشەن. ال استاناسى گروزنىيداعى تۇرعىندار سانى 300 مىڭعا جۋىق.
Baq.kz