راك اۋرۋى ەمدەلەدى

 استانا. قازاقپارات - گەندىك ينجەنەريا ادامدار اراسىندا ەكى جاقتى تۇسىنىك قالىپتاستىرىپ كەلەدى: ءبىرى قولداسا، ەكىنشىسى مۇنى دۇرىس دەپ سانامايدى.

دەگەنمەن بارلىق بۇرىس پىكىرگە قاراماستان، گەندىك ينجەنەريا قولدانىسىن توقتاتپادى. كەرىسىنشە، جىلدان- جىلعا دامىپ كەلەدى. ا ق ش- تا گەندىك ينجەنەريا راك اۋرۋىمەن كۇرەس بارىسىندا قولدانىلدى. فارماتسيەۆتيكالىق كومپانيا Novartis پەنسيلۆان ۋنيۆەرسيتەتىمەن قاتار، تاماق جانە مەدياكامەنتتەردىڭ ساپاسىن زەرتتەۋ جانە باسقارۋ ورتالىعىمەن (Food and Drug Administration, FDA) بىرلەسە جۇمىس جاسايدى. FDA بالالارداعى لەيكەميانى ەمدەۋگە ارنالعان جاڭا ەم تۇرىنە رۇقسات ەتتى. بۇل ەم شاراسى گەندىك ينجەنەريامەن تىعىز بايلانىستى ەكەنىن ەستەن شىعارماعان دۇرىس. تەراپيانىڭ جاڭا ءتۇرىنىڭ اتاۋى -  CAR- T.

ونىڭ قىزمەتى بىلايشا جۇزەگە اسادى: گەندىك وزگەرىستەن سوڭ ەمدەلۋشى قانىنىڭ جاسۋشالارى راك ىسىگىنە شابۋىل جاسايدى. ول ءۇشىن زەرتتەۋشىلەر ەمدەلۋشىنىڭ قانىن الىپ، ونى كەرى وڭدەيدى. ياعني، زاقىمدانعان ءنارۋىزداردى ساۋعا الماستىرادى. كەيىن ونىڭ ميلليونداعان كوشىرمەسىن جاسايدى. ونى كەرى دەنەگە ەگەدى. ساۋ جاسۋشا بىرنەشە اي نەمەسە جىلدار بويى راك ىسىگىمەن كۇرەس جۇرگىزەدى. «ءبىز مەديتسينانىڭ دامۋ ءۇردىسىنىڭ جاڭا بولىگىنە قادام باسىپ بارامىز. ايىقپايتىن راك دەرتىمەن كۇرەسۋ ءۇشىن ءوز جاسۋشامىزدى قايتا وڭدەۋگە مۇمكىندىك الدىق. CAR- T كومەگىمەن ەمدەلۋدىڭ باعاسى 475 مىڭ دوللاردى قۇرايدى. ءبىراق Novartis Pharmaceuticals كومپانياسى بالالاردى تەگىن ەمدەۋدى ۇسىنىپ وتىر» ، -  دەيدى FDA جەتەكشىسى سكوتت گوتتليب.

 گەندىك تەراپيا الداعى 10 جىلدىقتا ەڭ ۇزدىك كورسەتكىشتەرگە جەتۋى مۇمكىن. بۇل ۇردىسكە 3 پەن 25 جاس ارالىعىنداعى لەيكوز اۋرۋىنا شالدىققان ادامدار قاتىسا الادى. بۇل باستاما «بولاشاق مەديتسيناعا» جاسالعان العاشقى قادام بولماق.

Massaget.kz