قازاقستان سولتۇستىك كورەياداعى يادرولىق سىناقتى ايىپتايدى
«2017-جىلعى 3- قىركۇيەكتە كورەي حالىق دەموكراتيالىق رەسپۋبليكاسىنىڭ ۇكىمەتى سۋتەك بومباسىنا سىناق وتكىزگەنى تۋرالى حابارلادى. وسى ورايدا، قازاقستان ك ح د ر- دىڭ بۇل ارەكەتتەرى مۇلدە قولايسىز ەكەنىن جانە ب ۇ ۇ قاۋىپسىزدىك كەڭەسىنىڭ قارارلارىن ورەسكەل بۇزاتىنىن اتاپ ءوتىپ، وسى سىناقتى باتىل تۇردە ايىپتايتىندىعى تۋرالى مالىمدەيدى.
«يادرولىق سىناقتارعا جان-جاقتى تىيىم سالۋ تۋرالى شارتتىڭ ⅩⅣ بابى بويىنشا 9-كونفەرەنسياعا جاپونيامەن بىرلەسىپ تەڭ ءتوراعالىق ەتە وتىرىپ، قازاقستان ك ح د ر- دىڭ بۇل ءىس-ارەكەتتەرى دۇنيەجۇزىلىك قاۋىمداستىقتىڭ يادرولىق قارۋدى جويۋ مەن ونى تاراتپاۋ ءتارتىبىن كۇشەيتۋگە ۇمتىلعان كۇش-جىگەرىنە، سونىمەن قاتار بۇكىل الەم مەن كورەي تۇبەگىنە جانە جالپى سول وڭىرگە اۋىر قاۋىپ ءتوندىرىپ وتىر دەپ ەسەپتەيدى»، - دەلىنگەن مينيسترلىك تاراتقان حابارلامادا.
سونداي-اق قازاقستان الەمدە يادرولىق سىناقتارعا تولىق تىيىم سالىنۋىن قولداي وتىرا، سولتۇستىك كورەيانى يادرولىق قارۋدان باس تارتۋعا جانە يادرولىق پروبلەما بويىنشا كوپجاقتى كەلىسسوزدەردى جالعاستىرۋعا شاقىرادى.